ബെംഗളൂരു: ബെല്ലാരിയിലെ ശ്രീ അമൃതേശ്വര ക്ഷേത്രത്തിന്റെ പ്രാണപ്രതിഷ്ഠാ ചടങ്ങിൽ പങ്കെടുത്ത് കന്നട സൂപ്പർ സ്റ്റാർ യഷ്. ചടങ്ങിൽ പങ്കെടുക്കാൻ യഷ് അതിരാവിലെ തന്നെ ക്ഷേത്രത്തിലെത്തിയിരുന്നു. ആരാധകരെ അഭിവാദ്യം ചെയ്ത ശേഷമായിരുന്നു താരം ചടങ്ങുകളിൽ പങ്കെടുത്തത്. പ്രാണപ്രതിഷ്ഠാ ചടങ്ങിൽ പങ്കെടുക്കാൻ യഷ് എത്തുമെന്ന വിവരം പുറത്തുവന്നതോടെ രാവിലെ മുതൽ ക്ഷേത്ര പരിസരത്ത് വൻ ജനത്തിരക്ക് അനുഭവപ്പെട്ടിരുന്നു.
Rocking Star @TheNameIsYash at #SreeAmrutheswaraTemple in Bellary for the Prana Prathishta ceremony.@SriAmruteshwara @VaaraahiCC @SaiKorrapati_ pic.twitter.com/XlpN6xgq2e
— Vaaraahi Chalana Chitram (@VaaraahiCC) February 29, 2024
ക്ഷേത്രത്തിലെത്തിയ യഷ് പ്രത്യേക പൂജകൾ നടത്തുകയും പ്രാർത്ഥനാ ചടങ്ങുകളിൽ പങ്കെടുക്കയും ചെയ്തു. ശേഷം ആരാധകരോടൊപ്പം ഏറെ നേരം സംസാരിക്കുകയും ചിത്രങ്ങൾ പകർത്തുകയും ചെയ്തു. ആരാധകർക്കൊപ്പമുള്ള യഷിന്റെ വീഡിയോ സമൂഹമാദ്ധ്യമങ്ങളിലടക്കം വൈറലാവുകയാണ്. യഷിനെ കൂടാതെ നിരവധി താരങ്ങൾ പ്രാണപ്രതിഷ്ഠാ ചടങ്ങിൽ പങ്കെടുത്തിരുന്നു.
— HARSHAᵀᵒˣᶦᶜ (@Harsha_4K) February 29, 2024
സംവിധായകൻ എസ്എസ് രാജമൗലിയും ഭാര്യയും ക്ഷേത്രത്തിന്റെ പ്രാണപ്രതിഷ്ഠാ ചടങ്ങിൽ മുഖ്യാതിഥികളായിരുന്നു. ദോത്തിയും വെള്ള ഷാളും അണിഞ്ഞ് ക്ഷേത്രത്തിൽ പ്രാർത്ഥന നടത്തുന്ന രാജമൗലിയുടെ ചിത്രങ്ങൾ സമൂഹമാദ്ധ്യമങ്ങളിലടക്കം ശ്രദ്ധ നേടുകയാണ്. തെലുങ്ക് ചലച്ചിത്ര നിർമ്മാതാവ് സായ് കൊരാപതിയും ചടങ്ങിൽ പങ്കെടുത്തു. ഇവരെ കൂടാതെ കന്നട തെലുങ്ക് സിനിമാ മേഖലയിൽ നിന്നും മറ്റ് നിരവധി താരങ്ങളും ചടങ്ങിൽ പങ്കെടുത്തു.
