ആലപ്പുഴ: ചേർത്തലയിൽ തീരദേശ മേഖലയോട് ചേർന്ന് കഞ്ചാവ് വിൽപന നടത്തിയ യുവാവ് പിടിയിൽ. തുറവൂർ സ്വദേശി അഖിലാണ് എക്സൈസിന്റെ പിടിയിലായത്. ഇയാളുടെ പക്കൽ നിന്നും 3 കിലോയോളം കഞ്ചാവ് പിടിച്ചെടുത്തതായി ഉദ്യോഗസ്ഥർ അറിയിച്ചു.
അന്ധകാരനാഴി ബീച്ചും മറ്റ് തീരദേശ മേഖലകളും കേന്ദ്രീകരിച്ച് വൻ തോതിൽ ലഹരി വസ്തുക്കൾ വിൽപന നടത്തുന്നുണ്ടെന്ന് എക്സൈസ് ഉദ്യോഗസ്ഥർക്ക് വിവരം ലഭിച്ചിരുന്നു. തുടർന്ന് നടത്തിയ അന്വേഷണത്തിലാണ് അഖിൽ പിടിയിലായത്. ബെംഗളൂരുവിൽ നിന്നുമാണ് ഇയാൾ കഞ്ചാവെത്തിച്ച് വിൽപന നടത്തുന്നത്. ഇവിടെ നിന്നും തുച്ഛമായ തുകയ്ക്ക് ലഹരി വസ്തുക്കൾ വാങ്ങി കേരളത്തിൽ വൻ വിലയ്ക്ക് വിൽക്കുകയാണ് ഇയാൾ ചെയ്തിരുന്നത്. യുവാവിന്റെ വീട്ടിൽ നടത്തിയ പരിശോധനയിലും കഞ്ചാവ് പൊതികൾ എക്സൈസ് സംഘം കണ്ടെത്തിയിരുന്നു. ചേർത്തല എക്സൈസ് റേഞ്ച് ഇൻസ്പെക്ടറുടെ നേതൃത്വത്തിൽ നടത്തിയ അന്വേഷണത്തിലാണ് പ്രതി പിടിയിലായത്.
