തെലങ്കാനയിൽ ചന്ദ്രശേഖര റാവുവിന്റെ ഭാരത് രാഷ്ട്ര സമിതിക്ക് (ബിആർഎസ്) തിരിച്ചടി. ബിആർഎസിന്റെ എംപിയായ രഞ്ജിത്ത് റെഡ്ഡി രാജി പ്രഖ്യാപിച്ചു. എക്സിലാണ് അദ്ദേഹം കുറിപ്പ് പങ്കുവച്ചത്. രഞ്ജിത്ത് റെഡ്ഡി കോൺഗ്രസിൽ ചേർന്നേക്കും.
മുധിരാജ് സമുദായത്തിലെ പ്രമുഖനായ കസാനി ജ്ഞാനേശ്വറിനെ ഷെവെല്ലയിലെ ലോക്സഭ സ്ഥാനാർത്ഥിയായി പ്രഖ്യാപിച്ചതിന് തൊട്ടുപിന്നാലെയാണ് റെഡ്ഡിയുടെ രാജി.ഈ വർഷം ബിആർഎസിൽ നിന്ന് രാജിവയ്ക്കുന്ന അഞ്ചാമത്തെ എംപിയാണ് രഞ്ജിത്ത് റെഡ്ഡി.
“ഞാൻ ബിആർഎസിന് ഔപചാരികമായ രാജിക്കത്ത് സമർപ്പിച്ചുവെന്ന് എന്റെ എല്ലാ പ്രവർത്തകരെയും അറിയിക്കാനാണ് ഞാൻ എഴുതുന്നത് എന്ന് തുടങ്ങുന്ന കുറിപ്പോടെയാണ് രഞ്ജിത്ത് രാജി കത്ത് പുറത്തുവിട്ടത്. നൽകിയ അവസരത്തിന് ബിആർഎസിനോട് അദ്ദേഹം നന്നി പറഞ്ഞിട്ടുണ്ട്.
