മനാമ: ബഹ്റൈൻ കേരളീയ സമാജത്തിന്റെ പുതിയ ഭരണ സമിതിയുടെ പ്രവർത്തന ഉദ്ഘാടനം 22ന് നടക്കും. വെള്ളിയാഴ്ച രാത്രി 8 മണിക്ക് നടക്കുന്ന ചടങ്ങ് പ്രഭാഷകനും എഴുത്തുകാരനും രാഷ്ട്രീയ നിരീക്ഷകനുമായ അഡ്വക്കറ്റ്. എ. ജയശങ്കർ ഉദ്ഘാടനം ചെയ്യും. ചടങ്ങിൽ കേരളീയ സമാജത്തിലെ അംഗങ്ങളുടെ വിവിധ കലാപരിപാടികൾ അരങ്ങേറും.
പി.വി രാധാകൃഷ്ണപിള്ള പ്രസിഡന്റായ പുതിയ ഭരണസമിതിയാണ് ചുമതലയേൽക്കുന്നത്. സമാജം അംഗങ്ങൾ നൽകിവരുന്ന വിശ്വാസത്തിനും പിന്തുണക്കും നന്ദിയുണ്ടെന്നും ഇപ്പോഴുള്ള പിന്തുണ തുടർന്നുമുണ്ടാകണമെന്നും പ്രസിഡണ്ട് പി.വി രാധാകൃഷ്ണപിള്ള അഭ്യർത്ഥിച്ചു.
