ദുബായ്: മാസപ്പിറവി ദൃശ്യമാവാത്തതിനാൽ 9 രാജ്യങ്ങളിൽ ചെറിയ പെരുന്നാൾ ബുധനാഴ്ച ആഘോഷിക്കും. മാസപ്പിറവി കാണാത്തതിനാൽ റമദാൻ 30 പൂർത്തിയാക്കിയാണ് പെരുന്നാൾ ആഘോഷം. യുഎഇ, സൗദി, കുവൈറ്റ്, ഖത്തർ, ബഹ്റൈൻ എന്നിവിടങ്ങളിലെല്ലാം ബുധനാഴ്ചയാണ് പെരുന്നാൾ ആഘോഷം. ഒമാനിൽ ചൊവ്വാഴ്ച പ്രഖ്യാപിക്കും.
സൗദിയിലും ഒമാന് ഒഴികെ ഗള്ഫ് രാജ്യങ്ങളിലും റമദാന് വ്രതം മാര്ച്ച് 11നായിരുന്നു ആരംഭിച്ചത്. രാജ്യത്തിന്റെ വിവിധ ഭാഗങ്ങളിൽ എല്ലാവിധ സംവിധാനങ്ങളോടെയും മാസപ്പിറവി നിരീക്ഷണം നടത്താനുള്ള സൗകര്യം ചെയ്തിരുന്നെങ്കിലും എവിടെയും ഇന്ന് മാസപ്പിറവി ദൃശ്യമായിരുന്നില്ല. ഇതിനെ തുടർന്നാണ് മറ്റന്നാൾ പെരുന്നാൾ ആഘോഷിക്കുന്നത്.
പെരുന്നാളിനോട് അനുബന്ധിച്ച് വിപുലമായ ആഘോഷങ്ങളാണ് ഗള്ഫ് രാജ്യങ്ങളില് സജ്ജമാക്കിയിരിക്കുന്നത്. ഗൾഫ് രാജ്യങ്ങളിലെ പൊതു, സ്വകാര്യ മേഖലാ ജീവനക്കാര്ക്ക് നീണ്ട അവധിക്കാലവും പെരുന്നാളിനോടനുബന്ധിച്ച് ലഭിക്കും. ഇത്തവണ ഏപ്രിൽ ഒമ്പത് മുതൽ നാല് ദിവസമായിരിക്കും സൗദിയിലെ സ്വകാര്യ സ്ഥാപനങ്ങൾക്കുളള അവധിയെന്ന് മന്ത്രാലയം വ്യക്തമാക്കിയിട്ടുണ്ട്.
യുഎഇ സര്ക്കാര് പൊതുമേഖലാ ജീവനക്കാര്ക്ക് ഒരാഴ്ചത്തെ അവധിയാണ് പ്രഖ്യാപിച്ചിരിക്കുന്നത്. വാരാന്ത്യ അവധി ദിവസങ്ങള് കൂടി കണക്കിലെടുക്കുമ്പോള് ആകെ ഒമ്പത് ദിവസത്തെ അവധിയാണ് ലഭിക്കുന്നത്.