താനെ: താനെയിൽ ശിവസേന സൗത്ത് ഇന്ത്യൻ സെൽ ഓഫീസ് പ്രവർത്തനം ആരംഭിച്ചു. താനെ കിസാൻ നഗർ 2 വിൽ ബൽസാര കമ്പനിക്ക് എതിർവശമാണ് ഓഫീസ്.
മഹാരാഷ്‌ട്ര മുഖ്യമന്ത്രി ഏക്‌നാഥ് ഷിൻഡെയുടെ പത്‌നി ലത ഷിൻഡെയാണ് ഉദ്ഘാടനം ചെയ്തത്.
താനെയിലെ നിരവധി കോർപറേറ്റർമാർ ചടങ്ങിൽ പങ്കെടുത്തു. കൂടാതെ താനെ, മുംബൈ, നവി മുംബൈ എന്നിവിടങ്ങളിലെ സാമൂഹ്യ സാംസ്‌കാരിക രംഗത്തെ നിരവധി പ്രമുഖരുടെ സാന്നിധ്യം ചടങ്ങിന് മാറ്റ് കൂട്ടി.
ജനങ്ങളുടെ ആവശ്യങ്ങൾ അറിയാനും അത് പരിഹരിക്കാനുമാണ് സൗത്ത് ഇന്ത്യൻ സെല്ലിന്റെ ഓഫീസ് കൊണ്ട് ലക്ഷ്യമിടുന്നതെന്ന് ഭാരവാഹികളായ ശ്രീകാന്ത് നായരും ജയന്ത് നായരും പറഞ്ഞു.
കൂടാതെ സമൂഹത്തിലെ താഴെക്കിടയിലുള്ളവർക്ക് വേണ്ടി പ്രവർത്തിക്കാനാണ് മുഖ്യമന്ത്രി ഏക്‌നാഥ് ഷിൻഡെ ആഹ്വാനം ചെയ്തിരിക്കുന്നതെന്നും അതിനായി പാർട്ടി എന്നും മുന്നിലുണ്ടാകുമെന്നും ഇരുവരും സംയുക്ത വാർത്താക്കുറിപ്പിലൂടെ പറഞ്ഞു.
