ബ്രസീലിയൻ ഫുട്ബോൾ ഇതിഹാസം കക്കയിൽ നിന്ന് വിവാഹമോചനം നേടാനുള്ള കാരണം വ്യക്തമാക്കി മുൻ ഭാര്യ കരോലിൻ സെലികോ. അവൻ എനിക്ക് വളരെ അനുയോജ്യനായിരുന്നു എന്നാണ് അവർ കാരണമായി പറഞ്ഞത്. ഒരു അഭിമുഖത്തിലാണ് അവർ ഇക്കാര്യം തുറന്ന് സമ്മതിക്കുന്നത്.
‘അവൻ ഒരിക്കലും എന്നെ വഞ്ചിച്ചിട്ടില്ല, അവൻ എന്ന നന്നായി നോക്കി നല്ലൊരു കുടുംബം സമ്മാനിച്ചു. പക്ഷേ ഞാൻ സന്തോഷവതിയായിരുന്നില്ല”- കരോലിൻ പറഞ്ഞു.
കക്കയുടെ കുട്ടിക്കാലം മുതലുള്ള സുഹൃത്തായ കരോലിനെ 2005 ൽ സവോ പോളോയിൽ നടന്ന ചടങ്ങിലാണ് വിവാഹം കഴിക്കുന്നത്. എന്നാൽ 10 വർഷത്തിന് ശേഷം ഇവർ വിവാഹമോചിതരാവുകയായിരുന്നു. ദമ്പതികൾക്ക് ഒരു മകനും മകളുമുണ്ട്. നിലവിൽ കക്കയും കരോലിനയും മറ്റു ബന്ധങ്ങളിലേക്ക് കടന്നിട്ടുണ്ട്.
2002ല്‍ ലോകകപ്പ് നേടിയ ടീമിലെ അംഗമായ കക്ക 2007 ബാലണ്‍ ദി ഓർ പുരസ്കാരവും സ്വന്തമാക്കിയിട്ടുണ്ട്. 2017 ലാണ് താരം ബൂട്ടഴിച്ചത്.ബ്രസീലിനു വേണ്ടി 92 മൽസരങ്ങൾ കളിച്ച കക്ക 29 ഗോളുകൾ നേടിയിട്ടുണ്ട്.
