തിരുവനന്തപുരം; പൗരത്വ ഭേദഗതി നിയമത്തെ ശക്തമായി പിന്തുണയ്‌ക്കുന്നുവെന്ന് ജസ്റ്റീസ് കെ.ടി തോമസ്. ആരുടെയും പൗരത്വം ഇതിലൂടെ നഷ്ടപ്പെടില്ലെന്നും മുൻപ് കോൺഗ്രസും ഈ നിയമം കൊണ്ടു വരാൻ ശ്രമിച്ചിരുന്നതായും കെ ടി തോമസ് പറഞ്ഞു. ഏകീകൃത സിവിൽ കോഡ് നടപ്പിലാക്കണമെന്നത് ഭരണഘടനയിലുള്ളതാണെന്നും അദ്ദേഹം പറഞ്ഞു. കോട്ടയത്തെ എൻഡിഎ സ്ഥാനാർത്ഥതി തുഷാർ വെള്ളാപ്പള്ളിയുടെ സന്ദർശന വേളയിലാണ് ജസ്റ്റീസ് കെ ടി തോമസിന്റെ പ്രതികരണം.
” ഞാൻ വളരെ ശക്തമായി സിഎഎയെ പിന്തുണയ്‌ക്കുന്ന വ്യക്തിയാണ്. അഭയാർത്ഥികളുടെ പൗരത്വം നഷ്ടപ്പെടുമെന്നത് തെറ്റായ ധാരണയാണ്. കോൺഗ്രസും മുമ്പ് ഈ നിയമം കൊണ്ടുവാരാൻ ശ്രമിച്ചിരുന്നു. എത്രയും വേഗം ഏകീകൃത സിവിൽകോഡും രാജ്യത്ത് നടപ്പിലാക്കണം”- കെ ടി തോമസ് പറഞ്ഞു.
രാജ്യത്തിന്റെ വികസനങ്ങൾ മുന്നിൽ കാണാതെ പൗരത്വ ഭേദഗതിയെയും ഏകീകൃത സിവിൽ കോഡിനെയും തെരഞ്ഞെടുപ്പ് പ്രചാരണായുധമാക്കി മാറ്റാൻ ശ്രമിച്ച കോൺഗ്രസിന് കനത്ത തിരിച്ചടിയാണ് ലഭിച്ചത്. രാഷ്‌ട്രീയ ലക്ഷ്യങ്ങൾ വച്ചുകൊണ്ടുള്ള പ്രതിഷേധങ്ങൾ മാത്രമാണ് ഇപ്പോൾ നടക്കുന്നതെന്നും ഏകീകൃത സിവിൽകോഡ് നടപ്പിലാക്കണമെന്നുള്ളത് ഭരണഘടനയിലുള്ളതാണെന്നും കെ ടി തോമസ് വ്യക്തമാക്കി.
