മുംബൈ: രൺവീർ സിംഗിനോടൊപ്പം വാരാണസി സന്ദർശിച്ചതിന്റെ ചിത്രങ്ങൾ പങ്കുവച്ച് കൃതി സനോൻ. ഇൻസ്റ്റാഗ്രാമിലാണ് താരം ചിത്രങ്ങൾ പങ്കുവച്ചത്. വാരണാസിയിലെ ഗംഗാഘട്ടിലെ ചിത്രങ്ങളും വീഡിയോയുമാണ് താരം പങ്കുവച്ചത്.
വാരാണസിയിലെ ഗംഗാഘട്ടുകളിൽ നിന്നുള്ള അതി മനോഹരമായ ചിത്രങ്ങളാണ് താരം പങ്കുവച്ചിരിക്കുന്നത്. ഗംഗാഘട്ട് സന്ദർശിച്ചതിൽ അതിയായ സന്തോഷമുണ്ടെന്നും കൃതി സനോൻ ഇൻസ്റ്റഗ്രാമിൽ കുറിച്ചു.
പ്രശസ്ത ബോളിവുഡ് ഡിസൈനറായ മനീഷ് മൽഹോത്രയുടെ ഫാഷൻ ഷോയിൽ പങ്കെടുക്കാനാണ് രൺവീറും കൃതി സനോനും വാരാണസിയിലെത്തിയത്.”banarasi saree – a tapestryb of indian culture and craftsmen” എന്ന ആശയത്തിലുള്ള ഫാഷൻഷോ ഗംഗാ നദിയുടെ തീരത്താണ് നടന്നത്.
കാശി സന്ദർശിച്ചതിന്റെ അനുഭവത്തെക്കുറിച്ച് ഇരുവരും മാദ്ധ്യമപ്രവർത്തകരോട് പ്രതികരിച്ചിരുന്നു. ഭാരതീയർ പരിഷ്കൃതരാകുന്നതോടൊപ്പം ഭാരതത്തിന്റെ സംസ്കാരവും പൈതൃകവും ഹൃദയത്തിൽ സൂക്ഷിക്കാൻ മറക്കരുതെന്നായിരുന്നു കൃതിയുടെ വാക്കുകൾ. ഭാരതത്തിലെ യുവജനങ്ങൾ വാരാണസിയിൽ വന്നുനോക്കണം. നമുക്ക് ഏറെ അഭിമാനം തോന്നുന്ന നിമിഷമായിരിക്കുമതെന്ന് രൺവീർ സിംഗും പ്രതികരിച്ചു.
കഴിഞ്ഞ പത്ത് വർഷത്തിനിടെ പ്രധാനമന്ത്രി നരേന്ദ്രമോദി കാശിയിൽ ചെയ്ത കാര്യങ്ങൾ അമ്പരപ്പിക്കുന്നതാണെന്നും റോഡ്-റെയിൽവേ കണക്ടിവിറ്റിയായാലും കാശിയിലെ പുതിയ ഘട്ടുകളായാലും എല്ലാം അതിമനോഹരമായാണ് സജ്ജീകരിച്ചിരിക്കുന്നതെന്നും അവർ പ്രതികരിച്ചിരുന്നു.