തിരുവനന്തപുരം: ബിജെപിയുടെ വോട്ടു വിഹിതം വർദ്ധിക്കുമെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ബിജെപിയുടെ എല്ലാ സ്ഥാനാർത്ഥികളും ഇത്തവണ മികച്ച രീതിയിയിലുള്ള പ്രചാരണം നടത്തിയിട്ടുണ്ട്. ശോഭ സുരേന്ദ്രന് ആലപ്പുഴ മണ്ഡലത്തിൽ വിജയ സാധ്യത കൂടുതലാണെന്നും അദ്ദേഹം കൂട്ടിച്ചേർത്തു. വോട്ടു രേഖപ്പെടുത്തിയ ശേഷം മാദ്ധ്യമങ്ങളോട് പ്രതികരിക്കുകയായിരുന്നു അദ്ദേഹം.
ബിജെപിയുടെ വിജയശതമാനം ഉയരുമെന്നും വൈകിയാണെങ്കിലും പദ്മജ വേണുഗോപാലിന്റെ വരവും ഇതിനു സഹായകമാകുമെന്നും വെള്ളാപ്പള്ളി പറഞ്ഞു. ബിജെപിയുടെ സഖ്യകക്ഷിയായ ബിഡിജെഎസിന്റെ 4 സ്ഥാനാത്ഥികളാണ് ഇത്തവണ ലോക്സഭാ തെരഞ്ഞെടുപ്പിൽ മത്സരിക്കുന്നത്. ബിഡിജെഎസ് സംസ്ഥാന പ്രസിഡന്റ് തുഷാർ വെള്ളാപ്പള്ളി കോട്ടയം മണ്ഡലത്തിൽ നിന്നുമാണ് ജനവിധി തേടുന്നത്.