യൂത്തിനെ ആവേശം കൊള്ളിക്കുന്ന പ്രിയ താരം; സത്യരാജിനോടൊപ്പമുള്ള ഈ കുട്ടിയെ മനസിലായോ….

സിനിമാസ്വാദകരുടെ ഹൃദയം കീഴടങ്ങിയ താരങ്ങളുടെ കുട്ടിക്കാലത്തെ ചിത്രങ്ങൾ പലപ്പോഴും സമൂഹമാദ്ധ്യമങ്ങളിൽ ശ്രദ്ധേയമാകാറുണ്ട്. മോഹൻലാൽ, നിവിൻ പോളി, ദുൽഖർ സൽമാൻ, ഉണ്ണി മുകുന്ദൻ തുടങ്ങിയ താരങ്ങളുടെ കുട്ടിക്കാല ചിത്രങ്ങൾ
അത്തരത്തിൽ ഏറെ ശ്രദ്ധിക്കപ്പെട്ടതാണ്. ഫഹദ് ഫാസിലിന്റെ ഒരു പഴയ ചിത്രമാണ് സമൂഹമാദ്ധ്യമങ്ങൾ ഇപ്പോൾ ഏറ്റെടുത്തിരിക്കുന്നത്. പ്രശസ്ത തമിഴ്നടനും നിർമാതാവുമായി സത്യരാജിനോടൊപ്പമുള്ള ചിത്രമാണ് പുറത്തുവന്നിരിക്കുന്നത്.

ഒടിടി പ്ലാറ്റ്ഫോമായ MUBI യിലൂടെയാണ് ചിത്രം പുറത്തെത്തിയത്. 1980 കാലത്തെ ചിത്രമാണിത്. സംവിധായകനും ഫഹദിന്റെ പിതാവുമായ ഫാസിലിനോടൊപ്പമാണ് സത്യരാജ് അന്ന് പ്രവർത്തിച്ചിരുന്നത്. ‘എൻ ബൊമ്മുക്കുട്ടി അമ്മാവുക്ക്’, ‘പൂവിഴി വാസലിലേ’ എന്നീ ചിത്രങ്ങളിൽ ഇവർ രണ്ട് പേരും ഒന്നിച്ച് പ്രവർത്തിച്ചിട്ടുണ്ട്. ഈ രണ്ട് ചിത്രങ്ങളുടെ ലൊക്കേഷനിൽ എടുത്ത ചിത്രമായിരിക്കാം ഇത്. ഇരുവരുടെയും ചിത്രം പുറത്തുവന്നതിന് പിന്നാലെ നിരവധി പേർ അഭിപ്രായങ്ങൾ പങ്കുവച്ച് കമന്റ് ബോക്സിൽ പ്രത്യക്ഷപ്പെട്ടു.

ജിത്തു മാധവൻ സംവിധാനം ചെയ്ത ആവേശമാണ് ഫഹദിന്റേതായി ഒടുവിൽ പുറത്തിറങ്ങിയ ചിത്രം. ആ​ഗോള ബോക്സോഫീസിൽ 150 കോടിയാണ് ചിത്രം ഇതുവരെ സ്വന്തമാക്കിയത്. വലിയ പ്രേക്ഷക പിന്തുണ ലഭിച്ച ചിത്രം നാളെയാണ് ഒടിടിയിലെത്തുന്നത്. ആമസോൺ പ്രൈമിലൂടെയായിരിക്കും റിലീസ്. ഫഹദ് പ്രധാന കഥാപാത്രമായെത്തുന്ന പുഷ്പ ദി റൂൾ, മാരീശൻ, വേട്ടയാൻ എന്നീ ചിത്രങ്ങളും റിലീസിനായി ഒരുങ്ങുകയാണ്.

‘സിംഗപ്പൂർ സലൂൺ’ എന്ന തമിഴ് ചിത്രത്തിലാണ് സത്യരാജ് ഒടുവിലായി അഭിനയിച്ചത്. ‘തൊഴാർ ചെഗുവേര’ എന്ന ചിത്രമാണ് സത്യരാജിന്റേതായി ഇനി വരാനിരിക്കുന്നത്.