ഓട്ടോറിക്ഷയിൽ പത്താംക്ലാസുകാരിക്ക് പീഡ‍നം; അതിക്രമം സ്കൂളിൽ നിന്ന് വീട്ടിലെത്തിക്കുമ്പോൾ;തുമ്പായത് വീഡിയോ

സ്കൂളിൽ നിന്ന് വീട്ടിലേക്ക് മടങ്ങുന്നതിനിടെ 10 ക്ലാസുകാരി ലൈം​ഗികാതിക്രമത്തിന് ഇരയായി. പതിവായി കുട്ടിയെ വീട്ടിലെത്തിക്കുന്ന ഓട്ടോറിക്ഷ ഡ്രൈവറാണ് വിജനമായ വഴിയിൽ വച്ച് കുട്ടിയെ അതിക്രമത്തിനിരയാക്കിയത്. നാ​ഗ്പൂരിലെ ഓംകാർ ന​ഗറിലാണ് സംഭവം. 25-കാരനായ ഓട്ടോറിക്ഷ ഡ്രൈവറാണ് പ്രതി.

അതിക്രമത്തിന്റെ വീഡ‍ിയോ പുറത്തുവന്നതോടെ പൊലീസ് പ്രതിയെ പിടികൂടി പോക്സോ കേസ് രജിസ്റ്റർ ചെയ്തു. പെൺകുട്ടി രണ്ടു വർഷമായി ലൈം​ഗികാതിക്രമത്തിന് ഇരയാകുന്നതായാണ് വിവരം. പിൻസീറ്റിലിരിക്കുന്ന കുട്ടിയെ ഇയാൾ ബലം പ്രയോ​ഗിച്ചാണ് അക്രമിക്കുന്നത്. ഇത് തടയാൻ പെൺകുട്ടി ശ്രമിക്കുന്നതും ഇയാളെ തള്ളി മാറ്റുന്നതും വീഡിയോയിൽ കാണാം.

യൂണിഫോമാണ് വിദ്യാർത്ഥി ധരിച്ചിരിക്കുന്നത്. നിരവധി തവണ പിൻസീറ്റിലെത്തിയാണ് വിദ്യാർത്ഥിയോട് ഇയാൾ മോശമായി പെരുമാറുന്നത്.ഓട്ടോറിക്ഷയെ പിന്തുടർന്നെത്തിയ ദമ്പതികൾ പകർത്തിയ വീഡിയോയാണ് പുറത്തുവന്നത്. ഇതിൽ പൊലീസിനെയും ടാ​ഗ് ചെയ്തിരുന്നു. കുട്ടി ഇപ്പോഴും ലൈം​ഗികാതിക്രമത്തിന്റെ ഷോക്കിൽ നിന്ന് മുക്തയായിട്ടില്ല. അജിനി പൊലീസ് സ്റ്റേഷനിൽ കുട്ടിയുടെ മാതാപിതാക്കളും പരാതി നൽകിയിട്ടുണ്ട്.

Nagpur: Auto Driver Parks Vehicle Aside At A Secluded Spot In Omkar Nagar, Molests School Girl Before Dropping Her Back Home; Nabbed After Shocking Video Sparks Outrage #Nagpur #Shocking #Maharashtra #Girl #POCSO pic.twitter.com/T4JRcu620B

— Free Press Journal (@fpjindia) May 9, 2024