സൗരയൂഥത്തിലെ സംഭവവികാസങ്ങൾ എന്നും മനുഷ്യനിൽ കൗതുകമുണർത്തുന്നതാണ്. തീക്കട്ട പോലെ ജ്വലിച്ചു നിൽക്കുന്ന സൂര്യനിൽ നടക്കുന്ന കാര്യങ്ങൾ അറിയാനുള്ള മനുഷ്യന്റെ ജിജ്ഞാസ ആദിത്യ എൽ1 പോലെയുള്ള നിരവധി ദൗത്യങ്ങളിലേക്ക് ശാസ്ത്രലോകത്തെ നയിക്കുന്നു. എന്നെങ്കിലും സൂര്യൻ പൊട്ടിത്തെറിച്ചാൽ എന്ത് സംഭവിക്കുമെന്ന് നാം ചിലപ്പോഴെങ്കിലും ആലോചിച്ചിട്ടുണ്ടായിരിക്കും. അങ്ങനെ സൂര്യൻ പൊട്ടിത്തെറിക്കുമോ എന്ന ചോദ്യവും നിങ്ങളിൽ ഉണ്ടായിരുന്നേക്കാം. അതിനുള്ള ഉത്തരം നൽകുകയാണ് ഇപ്പോൾ അമേരിക്കൻ ബഹിരാകാശ ഏജൻസിയായ നാസ.
സൂര്യനിൽ നടന്ന രണ്ട് സ്ഫടനങ്ങളുടെ ചിത്രങ്ങളാണ് നാസ പുറത്തുവിട്ടിരിക്കുന്നത്. മേയ് 10, 11 തീയതികളിലാണ് ഈ സ്ഫോടനങ്ങൾ നടന്നത്. മേയ് 10-ാം തീയതി ഇന്ത്യൻ സമയം രാത്രി 9.23ഓടെയും, മേയ് 11-ാം തീയതി ഇന്ത്യൻ സമയം രാവിലെ 7.44 ഓടെയുമാണ് സ്ഫോടനം നടന്നത്. ഈ സ്ഫോടനങ്ങളെ X5.8 and X1.5 എന്നിങ്ങനെ തരംതിരിച്ചതായും നാസ അറിയിച്ചു.
The Sun emitted two strong solar flares on May 10-11, 2024, peaking at 9:23 p.m. EDT on May 10, and 7:44 a.m. EDT on May 11. NASA’s Solar Dynamics Observatory captured images of the events, which were classified as X5.8 and X1.5-class flares. https://t.co/nLfnG1OvvE pic.twitter.com/LjmI0rk2Wm
— NASA Sun & Space (@NASASun) May 11, 2024
സൂര്യനിൽ വളരെയധികം ഊർജം കൂടുമ്പോൾ ഇത്തരത്തിൽ പൊട്ടിത്തെറികളുണ്ടാവുന്നു. സമാനമായി സൂര്യനിൽ സ്ഫോടനങ്ങൾ തുടർന്നാൽ ഇത് റേഡിയോ കമ്മ്യൂണിക്കേഷൻ, നാവിഗേഷൻ സിഗ്നലുകൾ, ഇലക്ട്രിക് പവർ ഗ്രിഡുകൾ തുടങ്ങിയവയ്ക്കും ബഹിരാകാശ നിലയങ്ങൾക്കും ബഹിരാകാശ സഞ്ചാരികൾക്കും ദോഷകരമായി ബാധിക്കുമെന്നും നാസ പറയുന്നു.
