ജോസ് ബട്ലർ മടങ്ങിയതിന് പിന്നാലെ ആർ.സി.ബി ബാറ്റിംഗ് നിരയുടെ നട്ടെല്ലായ ഓൾറൗണ്ടർ വിൽ ജാക്സും പേസർ റീസ് ടോപ്ലിയും നാട്ടിലേക്ക് മടങ്ങി. പാകിസ്താനെതിരെയുള്ള ടി20 പരമ്പരയിൽ പങ്കെടുക്കാനാണ് താരങ്ങൾ ആർ.സി.ബി ക്യാമ്പ് വിട്ടത്. ഇരുവർക്കും വൈകാരികമായ യാത്രയയപ്പാണ് ആർ.സി.ബി മാനേജ്മെന്റ് നൽകിയത്.
പ്ലേ ഓഫ് പ്രതീക്ഷകൾ സജീവമാക്കാൻ അവസാന മത്സരത്തിനിറങ്ങുന്ന ആർ.സി.ബിക്ക് ജാക്സിന്റെ അഭാവം വലിയ തിരിച്ചടിയാകും നൽകുന്നത്. എട്ടു ഇന്നിംഗ്സിൽ നിന്ന് ഒരു സെഞ്ച്വറിയടക്കം 230 റൺസ് നേടിയിട്ടുണ്ട്. 175.57 സ്ട്രൈക് റേറ്റിൽ ബാറ്റ് ചെയ്യുന്ന താരം ഒറ്റയ്‌ക്ക് മത്സരത്തിന്റെ ഗതി തിരിക്കാൻ കഴിവുള്ളയാളാണ്. ഗുജറാത്തിനെതിരെ സെഞ്ച്വറി നേടി ഇത് അദ്ദേഹം തെളിയിച്ചിട്ടുമുണ്ട്. അതേസമയം റീസ് ടോപ്ലിയുടെ ഭാഗത്ത് നിന്ന് വലിയ പ്രകടനങ്ങളൊന്നുമുണ്ടായില്ല. ഇതുവരെ ഇറങ്ങിയ മത്സരങ്ങളിൽ നിന്ന് നാലു വിക്കറ്റ് മാത്രമാണ് നേടാനായത്.
ആരാധകർ അതിശയിപ്പിച്ചെന്നും നല്ലൊരു അനുഭവമായിരുന്നുവെന്നും ജാക്സ് പറഞ്ഞു. വലിയ താരങ്ങളിൽ നിന്ന് പലതും പഠിക്കാൻ സാധിച്ചെന്നും ബെംഗളൂരു നഗരത്തെ വല്ലാതെ ഇഷ്ടപ്പെട്ടെന്നും അദ്ദേഹം പറഞ്ഞു. ഇത്തവണത്തേത് മികച്ച സീസൺ ആയിരുന്നുവെന്നും പരിക്കേൽക്കാതെ കൂടുതൽ മത്സരങ്ങൾ കളിക്കാനായെന്നും ടോപ്ലിയും പറഞ്ഞു.
Jacksy and Toppers are heading back home for international duties and we wish them all the very best. ✈
You were incredible in the camp and on the field this IPL. See you soon, lads. 🤗#PlayBold #ನಮ್ಮRCB #IPL2024 pic.twitter.com/qxyT5rqvU1
— Royal Challengers Bengaluru (@RCBTweets) May 13, 2024
“>
