മനാമ: പത്തേമാരി പ്രവാസി മലയാളി അസോസിയേഷൻ ബഹ്‌റൈൻ ചാപ്റ്റർ രൂപീകരിച്ചു.
പ്രവാസികളായ ഒരുകൂട്ടം സുഹൃത്തുക്കൾ പരസ്പരം സഹായിക്കുക എന്ന ലക്ഷ്യത്തോടെ 2015 ൽ തുടങ്ങിയ സൗഹൃദ കൂട്ടായ്മയാണ് പിന്നീട് പത്തേമാരി പ്രവാസി മലയാളി അസോസിയേഷൻ ആയി മാറിയത്.
കൊവിഡ് 19 മഹാമാരിയുടെ പശ്ചാത്തലത്തിൽ പ്രവാസം അവസാനിപ്പിച്ച് നാട്ടിൽ തിരിച്ചെത്തിയ മലയാളി പ്രവാസി സമൂഹം നേരിട്ട യാതനകളുടെയും അവഗണനകളുടെയും പശ്ചാത്തലത്തിലാണ് 2020 ൽ സംഘടന രൂപീകരിച്ചത്. പ്രവാസികൾക്ക് പ്രവാസികളാൽ ഒരു കൈത്താങ്ങ് എന്ന ആശയം മുന്നോട്ടുവച്ചായിരുന്നു പത്തേമാരി പ്രവാസി മലയാളി അസോസിയേഷൻ രൂപീകരിച്ചത്.
2021 ൽ എറണാകുളം കേന്ദ്രമാക്കി സംഘടന രജിസ്റ്റർ ചെയ്ത് കേരളമാകെ പ്രവർത്തനം വ്യാപിപ്പിച്ചു. കേരളത്തിലെ 8 ജില്ലകളിൽ നിലവിൽ പ്രവർത്തനമുണ്ട്. മറ്റു ജില്ലകളിൽ രൂപീകരണ പ്രവർത്തനങ്ങൾ നടന്നുവരുന്നു. പ്രവാസ ലോകത്തും പത്തേമാരിയുടെ പ്രവർത്തനം വ്യാപിപ്പിക്കുന്നതിന്റെ ഭാഗമായി പത്തേമാരി ബഹ്‌റൈൻ ചാപ്റ്ററിന് രൂപം നൽകി. മനാമ MCMA ഹാളിൽ ചേർന്ന യോഗത്തിൽ തുടർ പ്രവർത്തനത്തിനായി ഭാരവാഹികളെ തിരഞ്ഞെടുക്കുകയും എക്‌സിക്യൂട്ടിവ് കമ്മറ്റി നിലവിൽ വരുകയും ചെയ്തു.
ബഹ്‌റൈൻ പ്രവാസി മലയാളികൾക്ക് ഈ സംഘടനയിൽ അംഗമാകാൻ താല്പര്യമുണ്ടെങ്കിൽ ബന്ധപ്പെടേണ്ട നമ്പർ: മുഹമ്മദ് ഈറയ്‌ക്കൽ – +973 3726 3354
