സോഷ്യല്മീഡിയയില് തരംഗമാണ് ആഫ്രിക്കൻ യുവാവ് കിലി പോള് . മലയാളികളുടെ മനസ് കവർന്ന കിലി ലിപ്സിങ്ക് വീഡിയോകളിലൂടെ മലയാളികളെ ഞെട്ടിച്ചിട്ടുണ്ട് . മീശമാധവന് എന്ന ചിത്രത്തിലെ ‘കരിമിഴി കുരുവിയെ’ എന്നു തുടങ്ങുന്ന പാട്ടുമായാണ് ഇത്തവണ കിലിയുടെ വരവ്. മനോഹരമായ ഭാവവും, പുഞ്ചിരിയുമൊക്കെ കോർത്തിണക്കിയാണ് കിലിയുടെ ഭാവങ്ങളും .ഉണ്ണിയേട്ടന് എന്ന അടിക്കുറിപ്പോട് കൂടിയാണ് കിലി പുതിയ വീഡിയോ പങ്കുവച്ചിരിക്കുന്നത്.
പാട്ടും , കിലിയുടെ ഭാവങ്ങളും മലയാളികൾ ഏറ്റെടുത്തു കഴിഞ്ഞു . ‘ നിങ്ങൾ ഞങ്ങൾ മലയാളികളെ ഞെട്ടിച്ചുവെന്നാണ് ‘ ഭൂരിഭാഗം കമന്റുകളും . ഞങ്ങളുടെ പാട്ടുകൾ തട്ടിയെടുത്തല്ലോയെന്നും , അതിമനോഹരമെന്നും , ഇനിയും വരില്ലേ ഇതുവഴിയെന്നുമൊക്കെ ചിലർ കമന്റ് ചെയ്യുന്നുണ്ട് . ചിലരാകട്ടെ തങ്ങൾക്ക് പ്രിയപ്പെട്ട പാട്ടുകൾ കൂടി ചെയ്യുമോയെന്നും ചോദിക്കുന്നു.