സുരേഷ് ഗോപിയുടെ വിജയത്തിൽ ആശംസകളുമായി മലയാള സിനിമാ ലോകം. ഇൻസ്റ്റഗ്രാം സ്റ്റോറിയിലൂടെയാണ് നടി അനുശ്രീ സുരേഷ് ഗോപിയ്ക്ക് ആശംസകൾ നേർന്നത്. സുരേഷ് ഗോപിക്ക് ഒപ്പമുള്ള ചിത്രത്തിൽ ഹൃദയത്തിന്റെ ചിഹ്നവും നൽകിയിട്ടുണ്ട്.
നടിയും അവതാരകയുമായ ദേവിക നമ്പ്യാർ നേരിന്റെ ജയം എന്ന അടിക്കുറിപ്പോടെയാണ് ജനങ്ങൾക്കിടയിൽ നിൽക്കുന്ന എസ്ജിയുടെ ചിത്രം പങ്കുവച്ചിരിക്കുന്നത്. തൃശൂർ ഇങ്ങ് എടുത്തൂട്ടോ.. ഒരുപാട് സന്തോഷം നിറഞ്ഞ നിമിഷം എന്ന അടിക്കുറിപ്പോടു കൂടി കേക്ക് മുറിച്ച് വിജയമാഘോഷിക്കുന്ന സുരേഷ് ഗോപിയ്ക്ക് ഒപ്പമുള്ള വീഡിയോയാണ് വിജയ് മാധവ് ഇൻസ്റ്റയിൽ പോസ്റ്റ് ചെയ്തിരിക്കുന്നത്.
മോഹൻലാൽ, മമ്മൂട്ടി, ദിലീപ്, ഉണ്ണി മുകുന്ദൻ, മുക്ത, ബീന ആന്റണി ഉൾപ്പെടെയുള്ള നിരവധി താരങ്ങളും ആശംസകളറിയിച്ചിട്ടുണ്ട്. പ്രിയപ്പെട്ട സഹോദരൻ സുരേഷേട്ടന്റെ ഈ വിജയത്തിൽ അഭിമാനം, സന്തോഷം. എല്ലാവിധ ആശംസകളും നേരുന്നുവെന്നാണ് ദീലിപ് സമൂഹമാദ്ധ്യമങ്ങളിൽ കുറിച്ചത്. വിജയത്തിൽ ഹൃദയം നിറഞ്ഞ അഭിനന്ദനങ്ങളെന്ന് മമ്മൂട്ടിയും, അഭിനന്ദനങ്ങൾ സുരേഷെന്ന് മോഹൻലാലും സുരേഷേട്ടന് അഭിനന്ദനങ്ങളെന്ന് ഉണ്ണി മുകുന്ദനും ഫേസ്ബുക്കിൽ കുറിച്ചു.
