പുരാണങ്ങളിലും , ഐതിഹ്യങ്ങളിലും ഏറെ പ്രാഥാന്യമുള്ളവയാണ് മയിലുകള് . ശിവപാര്വ്വതി പുത്രനായ സുബ്രഹ്മണ്യന്റെ വാഹനമാണ് മയില്. ജ്യോതിഷപരമായും ആത്മീയപരമായും മയിലുകള്ക്കും മയിൽപീലികള്ക്കും സവിശേഷകരമായ സ്ഥാനമുണ്ട്.ദേവന്മാരുടെ അധിപനായ ഇന്ദ്രന്, മയിലിന്റെ രൂപം ധരിക്കുന്നുവെന്ന് ഐതീഹ്യങ്ങളുണ്ട്.
ഐശ്വര്യത്തിന്റെ സമൃദ്ധിയുടെയും ദേവതയായ മഹാലക്ഷ്മി മയിൽപീലിയില് വസിക്കുന്നവെന്നാണ് വിശ്വാസം. അതിനാലാണ് ആളുകള് ലക്ഷ്മി പ്രീതി നേടാന് മയില്പ്പീലികള് വീട്ടില് സൂക്ഷിക്കുന്നത് . തലയിണയുടെ അടിയിൽ മയിൽപീലി വയ്ക്കുന്നത് ഐശ്വര്യം നൽകും. അതോടൊപ്പം പോസിറ്റീവ് എനർജി ഉണ്ടാകുമെന്നാണ് വിശ്വാസം.
ദാമ്പത്യ പ്രശ്നങ്ങൾ പരിഹരിക്കാൻ രണ്ട് മയിൽപീലികൾ ബെഡ്റൂമിൽ വയ്ക്കുന്നത് ഉത്തമമാണെന്നും പറയപ്പെടുന്നു.ശനിയുടെ അപഹാരത്തിൽ നിന്നും രക്ഷപെടാനുള്ള നല്ലൊരു വഴിയാണ് മയിൽപ്പീലി വീട്ടിൽ സൂക്ഷിക്കുന്നതെന്ന് കരുതപ്പെടുന്നു.പണം സൂക്ഷിക്കുന്ന അലമാരയ്ക്കരികിൽ മയിൽപീലി സൂക്ഷിക്കുന്നത് വാസ്തു ശാസ്ത്രപ്രകാരം സമ്പത്ത് വർദ്ധിക്കുന്നതിന് കാരണമാകുമെന്ന് വിശ്വസിക്കപ്പെടുന്നു.
മയിൽപീലികള് വീട്ടില് സൂക്ഷിക്കുന്നത് ഗ്രഹദോഷത്തെ നശിപ്പിക്കുകയും ഐശ്വര്യയും സമൃദ്ധിയും സമ്പത്തും നേടിതരുകയും ചെയ്യുമെന്ന് വിശ്വസിക്കപ്പെടുന്നു . സ്വീകരണ മുറിയിൽ കിഴക്കു വശത്തായി മയിൽപീലി വയ്ക്കുന്നതാണ് ഏറെ ഗുണകരം.മുറികളില് വടക്ക് കിഴക്ക് വശത്ത് ശ്രീകൃഷ്ണന്റെ ഒരു ചിത്രമോ ശില്പമോ വച്ച് പാദങ്ങളില് മയിൽപീലികള് സൂക്ഷിക്കുക. ഇത് വാസ്തു ദോഷത്തിന് ആശ്വാസം നല്കുമെന്നാണ് വിശ്വാസം.