ഡൽഹി: മദ്യനയ കുംഭകോണ കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്‌രിവാളിനെ മൂന്നു ദിവസം സിബിഐ കസ്റ്റഡിയിൽ വിട്ടു. മദ്യനയ അഴിമതിയിൽ കള്ളപ്പണം വെളുപ്പിച്ചെന്ന കേസിൽ സിബിഐ അറസ്റ്റ് രേഖപ്പടുത്തിയതിന് പിന്നാലെയാണ് കസ്റ്റഡി ഉത്തരവെത്തിയത്.
ഡൽഹി റൂസ് അവന്യു കോടതി ജഡ്ജി അമിതാഭ് റാവത്തിന്റെ ഉത്തരവ് പ്രകാരം കെജ്‌രിവാളിനെ 29ന് വൈകിട്ട് 7ന് മുൻപ് ചോദ്യംചെയ്യൽ പൂർത്തിയാക്കി കോടതിയിൽ ഹാജരാക്കണം. അഞ്ചു ദിവസത്തെ കസ്റ്റഡിയാണ് സിബിഐ ആവശ്യപ്പെട്ടിരുന്നതെങ്കിലും മൂന്ന് ദിവസത്തെ അനുമതിയാണ് കോടതി നൽകിയത്.
