ന്യൂഡൽഹി: ക്രിക്കറ്റ് ലോകം കീഴടക്കി ടി20 വിശ്വകിരീടവുമായി ടീം ഇന്ത്യ ജന്മനാട്ടിൽ. എയർ ഇന്ത്യ ചാമ്പ്യൻ 24 വേൾഡ് കപ്പ് എന്ന എയർ ഇന്ത്യയുടെ പ്രത്യേക വിമാനത്തിൽ രാവിലെ 6.57 ഓടെയാണ് താരങ്ങൾ ഡൽഹി വിമാനത്താവളത്തിന് പുറത്തെത്തി ബസുകളിലേക്ക് കയറിയത്. ബിസിസിഐ സ്റ്റാഫ് അംഗങ്ങളും ടീമിനൊപ്പമുണ്ട്. ജന്മനാട്ടിൽ കിരീടവുമായി എത്തിയ ഇന്ത്യൻ ടീമിന് കേന്ദ്രസർക്കാരും ബിസിസിഐ അധികൃതരും ചേർന്ന് ആവേശോജ്ജ്വലമായ സ്വീകരണമാണ് നൽകിയത്. വന്ദേമാതരം, ഭാരത് മാതാ കീ ജയ്, ഇന്ത്യ ഇന്ത്യ ഇന്ത്യ മുദ്രാവാക്യങ്ങളോടെയാണ് ടീം ഇന്ത്യയെ ആരാധകർ വരവേറ്റത്. സ്ത്രീകളും കുട്ടികളും അടക്കം നൂറുക്കണക്കിന് ആളുകളാണ് ടീമിനെ വരവേൽക്കാൻ വിമാനത്താവളത്തിലെത്തിയത്.
#WATCH | Virat Kohli in Team India’s bus outside the airport as Team India arrives in Delhi, after winning the #T20WorldCup2024 trophy.
India defeated South Africa by 7 runs on June 29, in Barbados, to clinch the second T20I title. pic.twitter.com/bDaXQ1sLtA
— ANI (@ANI) July 4, 2024
“>
വൻ സുരക്ഷാ സന്നാഹങ്ങളാണ് ഡൽഹി വിമാനത്താവളത്തിലെ ടി3 ടെർമിനലിൽ ഏർപ്പെടുത്തിയത്. പുലർച്ചെ തന്നെ ഇന്ത്യൻ പതാകയും ടീം ഇന്ത്യക്ക് അഭിനന്ദനങ്ങൾ നേർന്നുള്ള മുദ്രാവാദ്യങ്ങൾ മുഴക്കിയും ആരാധകർ വിമാനത്താവളത്തിലെത്തിയിരുന്നു. വിരാട് കോലി, രോഹിത് ശർമ്മ ഉൾപ്പെടെയുള്ള താരങ്ങളുടെ ചിത്രങ്ങൾ പതിപ്പിച്ച പ്ലക്കാർഡുകളും ആരാധകർ ഉയർത്തിപ്പിടിച്ചിരുന്നു.
#WATCH | Coach Rahul Dravid, Yuzvendra Chahal and Jasprit Bumrah along with Team India arrive at Delhi airport, after winning the #T20WorldCup2024 trophy. pic.twitter.com/wYCx91SkpP
— ANI (@ANI) July 4, 2024
“>
ഐടിസി മൗര്യ ഹോട്ടലിലെ വിശ്രമത്തിന് ശേഷം 9.30ന് ഇന്ത്യൻ ടീം അംഗങ്ങൾ പ്രധാനമന്ത്രിയുടെ വസതിയിലെത്തി അദ്ദേഹവുമായി കൂടിക്കാഴ്ച നടത്തും. വിരുന്നിന് ശേഷം ചാർട്ടേർഡ് വിമാനത്തിൽ നേരെ മുംബൈയിലേക്ക്. വിമാനത്താവളത്തിൽ നിന്ന് ഒരു കിലോമീറ്ററോളം ദൂരം തുറന്ന ബസിൽ കിരീടവുമായി ടീം വിക്ടറി മാർച്ച് നടത്തും.
#WATCH | Suryakumar Yadav and Shivam Dube along with Team India arrive at Delhi airport, after winning the #T20WorldCup2024 trophy.
India defeated South Africa by 7 runs on June 29, in Barbados. pic.twitter.com/ehlzj9rIIL
— ANI (@ANI) July 4, 2024
“>
#WATCH | Virat Kohli along with Team India arrives at Delhi airport, after winning the #T20WorldCup2024 trophy.
India defeated South Africa by 7 runs on June 29, in Barbados. pic.twitter.com/wcbzMMvG7h
— ANI (@ANI) July 4, 2024
“>
വിജയാഘോഷത്തിന് പിന്നാലെ ഇന്ത്യയിലേക്ക് മടങ്ങാനിരുന്ന ടീം ബെറിൽ ചുഴലിക്കാറ്റിനെ തുടർന്ന് ബാർബഡോസിൽ കുടുങ്ങിപ്പോയിരുന്നു. ജൂൺ 30നും ജൂലൈ ഒന്നിനും മടങ്ങിവരാൻ കഴിയുമെന്ന് നേരത്തെ കരുതിയിരുന്നുവെങ്കിലും കാലാവസ്ഥ പ്രതികൂലമായതിനെ തുടർന്ന് ഹോട്ടലുകളിൽ തന്നെ കഴിയാനായിരുന്നു ടീമംഗങ്ങൾക്ക് ലഭിച്ച നിർദേശം. ചുഴലിക്കാറ്റ് ദുർബലമാവുകയും കാലാവസ്ഥ തെളിയുകയും ചെയ്തതോടെ താരങ്ങൾക്ക് നാട്ടിലെത്തുന്നതിനായി ബിസിസിഐ പ്രത്യേക വിമാനം ക്രമീകരിക്കുകയായിരുന്നു.
കെൻസിംഗ്ടൺ ഓവലിൽ ജൂൺ 29 ന് നടന്ന ത്രില്ലർ പോരിൽ ഏഴ് റൺസിന് ദക്ഷിണാഫ്രിക്കയെ രോഹിതും സംഘവും പരാജയപ്പെടുത്തിയതിന് പിന്നാലെ പ്രധാനമന്ത്രി ഫോണിൽ വിളിച്ച് അഭിനന്ദിച്ചിരുന്നു.
