ക്രിക്കറ്റ് ആരാധകരെ ആവേശത്തിലാഴ്ത്തി വീണ്ടുമൊരു ഇന്ത്യ -പാകിസ്താൻ ഫൈനൽ. ഇംഗ്ലണ്ട് ക്രിക്കറ്റ് ബോർഡിന്റെ ലോക ലെജൻഡ്സ് ചാമ്പ്യൻഷിപ്പിലാണ് ഇന്ത്യയും പാകിസ്താനും നേർക്ക് നേർ വരുന്നത്. പഴയകാല താരങ്ങളാണ് ഇരുടീമുകളിലും കളിക്കാനിറങ്ങുന്നത്. ഗ്രൂപ്പ് ഘട്ടത്തിൽ ഇരുടീമുകളും നേർക്ക് നേർ വന്നപ്പോൾ പാകിസ്താനായിരുന്നു ജയം. 65 റൺസിനാണ് ഇന്ത്യയെ തോൽപ്പിച്ചത്.
ഇന്നലെ നടന്ന ആവേശകരമായ സെമിഫൈനൽ പോരാട്ടത്തിൽ യുവരാജ് സിംഗിന്റെ നേതൃത്വത്തിലുള്ള ഇന്ത്യ ചാമ്പ്യൻസ് ഓസ്ട്രേലിയ ചാമ്പ്യൻസിനെ തോൽപ്പിച്ചതോടെയാണിത്.
ബർമിംഗ്ഹാമിലെ എഡ്ജ്ബാസ്റ്റൺ സ്റ്റേഡിയത്തിൽ ഇന്ന് രാത്രി 9 നാണ് ഫൈനൽ പോരാട്ടം.സ്റ്റാർ സ്പോർട്സിലും ഫാൻ കോഡ് ആപ്പിലും മത്സരം തത്സമയം കാണാം.
സാധ്യതാ ഇലവൻ
ഇന്ത്യ- റോബിൻ ഉത്തപ്പ, ഗുർകീരത് സിംഗ് മാൻ, സുരേഷ് റെയ്ന, അമ്പാട്ടി റായിഡു, യുവരാജ് സിംഗ്, യൂസഫ് പത്താൻ, ഇർഫാൻ പത്താൻ, പവൻ നേഗി, വിനയ് കുമാർ, ഹർഭജൻ സിംഗ്, ധവാൽ കുൽക്കർണി
പാകിസ്താൻ -കമ്രാൻ അക്മൽ, ഷർജീൽ ഖാൻ, സൊഹൈബ് മഖ്സൂദ്, യൂനിസ് ഖാൻ, ഷാഹിദ് അഫ്രീദി, ഷൊയ്ബ് മാലിക്, മിസ്ബ ഉൾ ഹഖ്, ആമർ യാമിൻ, സൊഹൈൽ ഖാൻ, വഹാബ് റിയാസ്, സൊഹൈൽ തൻവീർ.
