ന്യൂഡല്‍ഹി: ഐച്ചി-നഗോയ ഏഷ്യന്‍ ഗെയിംസില്‍ ഗുസ്തിയില്‍ ഇന്ത്യയുടെ ആദ്യ സ്വര്‍ണ മെഡല്‍ സ്വന്തമാക്കി സുജീത് കല്‍ക്കല്‍. പുരുഷന്മാരുടെ ഫ്രീസ്‌റ്റൈല്‍ 65 കിലോഗ്രാം വിഭാഗത്തിലാണ് ഇന്ത്യന്‍ താരം ചാമ്പ്യനായത്. നഗോയ സിറ്റി ഇനായി സ്‌പോര്‍ട്‌സ് സെന്ററില്‍ നടന്ന ഫൈനലില്‍ താജിക്കിസ്ഥാന്റെ അബ്ദുല്‍മജീദ് കുദിയേവിനെയാണ് സുജീത് പരാജയപ്പെടുത്തിയത്. 3-1 പോയിന്റിനായിരുന്നു ഇന്ത്യന്‍ താരത്തിന്റെ ജയം.
ആവേശകരമായ പോരാട്ടത്തില്‍ കുദിയേവ് ഒരു പോയിന്റ് നേടിയെങ്കിലും മത്സരത്തിന്റെ നിയന്ത്രണം കൈവിടാതെ സുജീത് മുന്നേറി. നിര്‍ണായക ഘട്ടങ്ങളില്‍ മികച്ച പ്രതിരോധം തീര്‍ത്ത താരം ഒടുവില്‍ സ്വര്‍ണം ഉറപ്പിക്കുകയായിരുന്നു. ഏഷ്യന്‍ ഗെയിംസ് 2026ലെ ഗുസ്തി മത്സരങ്ങളില്‍ ഇന്ത്യയുടെ ആദ്യ സ്വര്‍ണ നേട്ടമാണിത്. ഫൈനലിലെ സമ്മര്‍ദ്ദത്തെ അതിജീവിച്ച് നേടിയ വിജയം ഇന്ത്യന്‍ സംഘത്തിന് നിര്‍ണായക മെഡല്‍ കൂടിയായി.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
65 കിലോഗ്രാം ഫ്രീസ്‌റ്റൈലില്‍ ഏഷ്യന്‍ ഗെയിംസ് ചാമ്പ്യനായതോടെ സുജീത് കല്‍ക്കലിന്റെ പേരും ഇന്ത്യന്‍ ഗുസ്തിയുടെ സുവര്‍ണ പട്ടികയില്‍ ഇടംപിടിച്ചു.
