കൊല്ലം : ഗര്ഭിണിയായ കുതിരയോട് യുവാക്കളുടെ ക്രൂരത. കൊല്ലം പള്ളിമുക്കിലാണ് സംഭവം . കുതിരയെ ഒരു സംഘം യുവാക്കള് തെങ്ങില് കെട്ടി വളഞ്ഞിട്ട് തല്ലുകയായിരുന്നു . കുതിരയുടെ ദേഹമാസകലം മുറിവേറ്റു. സംഭവത്തില് കുതിരയുടെ ഉടമ ഷാനവാസ് ഇരവിപുരം പൊലീസില് പരാതി നല്കി.
കാലുകളിലും കണ്ണിന് സമീപവും പരിക്കുണ്ട്. ദേഹമാകെ അടിയേറ്റ് നീരുണ്ട്. അയത്തിൽ തെക്കേകാവ് ക്ഷേത്രത്തിന് സമീപത്തെ പറമ്പിലാണ് കുതിരയെ കെട്ടിയിരുന്നത് . അവിടെ പരിസരത്തുള്ളവർ കുതിരയെ നന്നായി ശ്രദ്ധിക്കാറുണ്ടെന്നും , പുല്ലും മറ്റും നൽകാറുണ്ടെന്നും ഷാനവാസ് പറഞ്ഞു.
സിസിടിവി ദൃശ്യത്തിൽ നിന്നും ആരാണ് ഉപദ്രവിച്ചതെന്ന് തിരിച്ചറിഞ്ഞിട്ടുണ്ടെന്നും കേസ് കൊടുത്തിട്ടുണ്ടെന്നും ഷാനവാസ് പറഞ്ഞു. കുതിരയെ അടിക്കുന്ന ദൃശ്യം ആരു കണ്ടാലും സഹിക്കില്ല. എന്തിനാണിത് ചെയ്തതെന്ന് അറിയില്ലെന്നും ഷാനവാസ് പറഞ്ഞു.
