തൈര് ഇഷ്ടപ്പെടാത്തവരായി ആരും കാണില്ല. ദഹനത്തിനായി മികച്ച ഓപ്ഷനാണ് തൈര്. മികച്ച പ്രോബയോട്ടിക് ആയ തൈര് മെച്ചപ്പെടുത്തുന്നു. രോഗാണുക്കളെ ചെറുക്കാനും പ്രതിരോധ ശേഷി വർദ്ധിപ്പിക്കാനും സഹായിക്കുന്നു. എന്നാൽ ഇതിനൊപ്പം കറുവപ്പട്ട ചേർത്ത് കഴിച്ചാലോ?
കേൾ‌ക്കുമ്പോൾ അരോചകമായി തോന്നുമെങ്കിലും കറുവപ്പട്ട ചേർത്ത തൈര് നിരവധി ആരോഗ്യഗുണങ്ങളാണ് നൽകുന്നത്. സ്ത്രീകളിലാണ് ഈ കോംബോ ഏറ്റവും മികച്ച ഫലങ്ങൾ നൽകുന്നത്. അവയിൽ ചിലത് ഇതാ…
- ഹോർമോൺ വ്യതിയാനം നിയന്ത്രിക്കാൻ കറുവപ്പട്ട സഹായിക്കുന്നു. ഇതിന്റെ ആൻ്റി-ബാക്ടീരിയൽ ഗുണങ്ങൾ തൈരുമായി ചേരുന്നതോടെ ചർമത്തിനും ഗുണം ചെയ്യുന്നു.
- പ്രമേഹ രോഗികളായ സ്ത്രീകൾ ഇത് കഴിക്കുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കുന്നു.
- പോളിസിസ്റ്റിക് ഓവറി സിൻഡ്രോം (പിസിഒഎസ്) ഉള്ളവർക്ക് ഇൻസുലിൻ സംവേദനക്ഷമത മെച്ചപ്പെടുത്തേണ്ടത് അനിവാര്യമാണ്. ഇതിന് തൈരും കറുപ്പട്ടയും സഹായിക്കും. ആർത്തവ ചക്രം കൃത്യമാകാനും കറുവപ്പട്ട സഹായിക്കുന്നു.
- കറുപ്പട്ടയിലെ ഗുണങ്ങൾ ഹോർമോൺ വ്യതിയാനങ്ങളെ മെച്ചപ്പെടുത്തും.
- പൊണ്ണത്തടി വരെ സൃഷ്ടിക്കുന്ന ഓക്സിഡേറ്റീവ് സ്ട്രെസ് കുറയ്‌ക്കുന്നതിലും തൈരും കറുവപ്പട്ടയും സഹായിക്കുന്നു.
ഫരീദാബാദിലെ ക്ലൗഡ്നൈൻ ഗ്രൂപ്പ് ഓഫ് ഹോസ്പിറ്റൽസിലെ എക്സിക്യൂട്ടീവ് ന്യൂട്രീഷ്യനിസ്റ്റ് മൻപ്രീത് കൗർ പോളാണ് ഇക്കാര്യങ്ങൾ വ്യക്തമാക്കുന്നത്. ഡയറ്റീഷ്യന്റെ നിർദ്ദേശ പ്രകാരം ഇവ കഴിക്കുന്നതാണ് നല്ലതെന്നും അദ്ദേഹം പറഞ്ഞു.
തൈരും കറുവപ്പട്ടയും കഴിക്കാൻ ചില വഴികളിതാ..
സ്മൂത്തി
ചേരുവകൾ:
തൈര്- ഒരു കപ്പ്
ആപ്പിൾ- ഒരെണ്ണം
കറുവപ്പട്ട പൊടിച്ചത്- ഒരു ടേബിൾ സ്പൂൺ
തേൻ- ഒരു സ്പൂൺ
തയ്യാറക്കേണ്ട വിധം:
അരിഞ്ഞ ആപ്പിൾ, തൈര്, കറുവപ്പട്ട പൊടി, തേൻ എന്നിവ ബ്ലെൻഡറിൽ അടിച്ചെടുക്കുക. ഇത് ഗ്ലാസിലേക്ക് പകർത്തിയാൽ സ്മൂത്തി റെഡി.
തൈരും കറുപ്പട്ട പൊടിയും തേനും പഴങ്ങളും ചേർത്ത് കഴിക്കുന്നതും നല്ലതാണ്.
