കൊച്ചി: പോക്സോ കേസിൽ യൂട്യൂബർ അറസ്റ്റിൽ. 16-കാരിയുടെ പരാതിയിൽ യൂട്യൂബർ വി.ജെ മച്ചാനെയാണ് അറസ്റ്റ് ചെയ്തത്. കൊച്ചി സ്വദേശിനി കളമശ്ശേരി പൊലീസ് സ്റ്റേഷനിൽ നേരിട്ടെത്തി പരാതി നൽകുകയായിരുന്നു.
ഇന്ന് രാവിലെ കൊച്ചിയിലെ ഫ്ലാറ്റിൽ നിന്നും കളമശ്ശേരി പൊലീസാണ് വി.ജെ മച്ചാനെ അറസ്റ്റ് ചെയ്തത്. സമൂഹമാദ്ധ്യമം വഴി പരിചയപ്പെട്ടതിന് ശേഷം ദുരുപയോഗം ചെയ്തുവെന്നാണ് പെൺകുട്ടിയുടെ പരാതി. വി.ജെ മച്ചാനെ പൊലീസ് ചേദ്യം ചെയ്തു വരികയാണ്. ഇയാളുടെ മൊബൈൽ ഫോണും പൊലീസ് പിടിച്ചെടുത്തിട്ടുണ്ട്. യൂട്യൂബിലും ഇൻസ്റ്റഗ്രാമിലുമായി ഏകദേശം രണ്ടര ലക്ഷത്തോളം ഫോളോവേഴ്സാണ് വി.ജെ മച്ചാനുള്ളത്.
