ചെന്നൈ: ഷവർമ കഴിച്ചതിന് തുടർന്ന് ഭക്ഷ്യവിഷബാധയേറ്റ് യുവതി മരിച്ചു. സ്കൂൾ അദ്ധ്യാപികയായ ശ്വേതയാണ് മരിച്ചത്. ചെന്നൈ വാനനഗരത്തിനടുത്തുള്ള റസ്റ്റോറൻ്റിൽ നിന്നാണ് യുവതി ഷവർമ കഴിച്ചത്.
ഒരാഴ്ച മുൻപാണ് ശ്വേത സഹോദരനൊപ്പം പുറത്തുപോയപ്പോൾ ഷവർമ കഴിച്ചത്. പിന്നാലെ രാത്രിയിൽ ഛർദ്ദിക്കുകയും ബോധരഹിതയാവുകയും ചെയ്തു. ശ്വേതയെ ഉടൻ തന്നെ സ്വകാര്യ ആശുപത്രിയിൽ പ്രവേശിപ്പു. ചികിത്സയിലിരിക്കേയാണ് മരണം. മരണകാരണം വ്യക്തമാകാൻ പോസ്റ്റ്മോർട്ടം നടത്തും. സംഭവത്തിൽ പൊലീസ് അസ്വഭാവിക മരണത്തിന് കേസെടുത്തു.
