മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
വ്യവഹാരങ്ങളിൽ വിജയം, തൊഴിൽ വിജയം, ധന നേട്ടം, കുടുംബ സൗഖ്യം,കീർത്തി എന്നിവ ലഭിക്കും. ചെയ്യുന്ന പ്രവർത്തനങ്ങൾ ലാഭത്തിലായി തീരുന്ന അവസ്ഥ സംജാതമാകും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
വ്യവഹാരങ്ങൾ വിജയം , കുടുംബസൗഖ്യം , രോഗശാന്തി , ഭാഗ്യനുഭവങ്ങൾ എന്നിവ ലഭിക്കും. സത് സുഹൃത്തുക്കളെ ലഭിക്കുവാൻ യോഗം ഉണ്ട് .
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
സഞ്ചാര ശീലം കൂടുകയും യാത്രാ ക്ലേശം വർദ്ധിക്കുന്ന വിഭാഗത്തിലേക്ക് ജോലി മാറ്റം ഉണ്ടാകും. വാത -ഉദരരോഗങ്ങൾ മൂലം കഷ്ടത അനുഭവിക്കേണ്ടി വരും. കുടുംബം വിട്ട് മാറിനിൽക്കേണ്ട അവസ്ഥ ഉണ്ടാകും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
കുടുംബ ബന്ധുജനങ്ങളുമായി അഭിപ്രായ വ്യത്യാസത്തിനോ കലഹത്തിനോ സാധ്യതയുണ്ട്. ഭക്ഷണ സുഖക്കുറവ് അനുഭവപ്പെടുകയും ഉദരരോഗം വരാനും സാധ്യത.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം)
ഏതു കാര്യങ്ങളിലും ഇറങ്ങിപ്പുറപ്പെട്ടാലും അതിൽ എല്ലാം വിജയം ഉറപ്പാക്കും. വാഹന ഭാഗ്യം, ഭക്ഷണ സുഖം , ശരീര ചൈതന്യം വർധിക്കുവാനും ഈശ്വരവിശ്വാസം ഉണ്ടാകുവാനും ഇടയാകും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം)
ഭാര്യ ഭർതൃ സന്താനങ്ങളുമായി കലഹത്തിനോ അഭിപ്രായ വ്യത്യാസത്തിനോ സാധ്യതയുണ്ട്. തൊഴിൽ തടസ്സം , അപമാനം, ധനനഷ്ടം, നേത്രരോഗം എന്നിവ ഉണ്ടാകും
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം)
ധന നേട്ടം , കാര്യപ്രാപ്തി, ഭക്ഷണ സുഖം, ആഭരണങ്ങളുടെ വർദ്ധനവ് , ഭാര്യ ലബ്ധി എന്നിവ ഉണ്ടാകും. വിശിഷ്ട വ്യക്തികളെ പരിചയപ്പെടുവാനോ അവരിൽ നിന്നും പാരിതോഷികം ലഭിക്കുവാൻ ഇടയുണ്ടാകും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട)
അന്യസ്ത്രീ ബന്ധം മൂലം അപമാനം കേൾക്കേണ്ട സാഹചര്യം ഉണ്ടാകും. തൊഴിൽ ക്ലേശം, അമിത ആഡംബര പ്രിയത്വം അനുഭവത്തിൽ വരും. ആരോഗ്യക്കുറവ് ഉണ്ടാകും.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
അലങ്കാരവസ്തുക്കളുടെ വർദ്ധനവ് , കുടുംബ ബന്ധുജനപ്രീതി, വീട്ടിൽ മംഗളകരമായ കർമ്മങ്ങൾ നടക്കുക, മനസന്തോഷം എന്നിവ ലഭിക്കും. ഏതെങ്കിലും പ്രണയ ബന്ധത്തിൽ ഏർപ്പെടുവാൻ സാധ്യത കാണുന്നുണ്ട്
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
തൊഴിൽ വിജയം , ഉന്നതസ്ഥാന പ്രാപ്തി, ധനലാഭം, സർക്കാർ സംബന്ധമായ ഗുണാനുഭവങ്ങൾ, ശരീരസുഖം, ദാമ്പത്യ ഐക്യം, മനസുഖം എന്നിവ ഉണ്ടാകും.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
ശത്രു ഭയം , വ്യവഹാര പരാജയം , സർക്കാർ സംബന്ധമായ ദോഷഫലങ്ങൾ, കുടുംബ ബന്ധുജനങ്ങളുമായി അഭിപ്രായ വ്യത്യാസം, അനാവശ്യമായ കാര്യങ്ങളിൽ ഇടപെട്ട് കേസ് വഴക്കുകൾ ഉണ്ടാവുക എന്നിവ പ്രതീക്ഷിക്കാം
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
രോഗാദി ദുരിതങ്ങൾ അലട്ടുവാനും ശരീരംശോഷണം അനുഭവപ്പെടുകയും ചെയ്യും. അനാവശ്യമായ കൂട്ടുകെട്ടുകൾ ഉണ്ടാകുവാൻ സാഹചര്യം ഉണ്ട്. വിഷഭയം, ശത്രു ഭയം എന്നിവ ഉണ്ടാകും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Daily Prediction By Jayarani E.V
