കണ്ണൂർ: കണ്ണൂർ: ഓടിത്തുടങ്ങിയ ട്രെയിനിൽ ചാടിക്കയറുന്നതിനിടെ റെയിൽവേ ട്രാക്കിൽ വീണ പെൺകുട്ടി രക്ഷപ്പെട്ടത് തലനാരിഴക്ക്. രാവിലെ കണ്ണൂർ റെയിൽവേ സ്റ്റേഷനിലാണ് സംഭവം. കിളിയന്തറ സ്വദേശിനിയായ നേഴ്‌സിംഗ് വിദ്യാർത്ഥിനിയാണ് പരിക്കുകളോടെ രക്ഷപ്പെട്ടത്.
ഇന്ന് രാവിലെ കണ്ണൂർ റെയിൽവേ സ്റ്റേഷനിലാണ് സംഭവം. പുതുച്ചേരി എക്സ്പ്രസ്സിൽ കയറാൻ ശ്രമിക്കവെയാണ് അപകടം. ട്രെയിൻ സ്റ്റേഷനിൽ എത്തിയപ്പോൾ സാധനം വാങ്ങാനായി കടയിലേക്ക് പോയതായിരുന്നു യുവതി. ഇ സമയത്ത് ട്രെയിൻ വീണ്ടും നീങ്ങി തുടങ്ങുകയായിരുന്നു. യുവതി ധൃതിയിൽ ട്രെയിനിൽ ചാടിക്കയറാൻ ശ്രമിക്കുന്നതിനിടെ ട്രക്കിലേക്ക് വീഴുകയായിരുന്നു.
സംഭവത്തിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. പെൺകുട്ടി ട്രെയിനിലേക്ക് ചാടിക്കയറാൻ ശ്രമിച്ചത് പിന്നാലെ വന്ന പ്ലാറ്റ്‌ഫോമിലെ കച്ചവടക്കാരൻ വിലക്കുന്നുണ്ട്. ട്രെയിനിന്റെ ഡോറിൽ തട്ടി താഴെ വീണ പെൺകുട്ടി ഊർന്ന് ട്രാക്കിലേക്ക് വീഴുകയായിരുന്നു. റെയിൽവേ പൊലീസ് ചങ്ങല വലിച്ച് ട്രെയിൻ നിർത്തിയതാണ് പെൺകുട്ടിയുടെ ജീവൻ തിരിച്ചുകിട്ടാൻ കാരണമായത്. നിസാര പരിക്കുകൾ മാത്രമാണ് ഉണ്ടായിരുന്നത്.
