കമ്പനി ഓർമകളിൽ! ഒരേയൊരു മോ​ഹൻലാലിനൊപ്പം; രാം ​ഗോപാൽ വർമ

മോഹൻലാലിനൊപ്പമുള്ള ചിത്രം പങ്കുവച്ച് ബോളിവുഡ് സംവിധായകൻ രാം ​ഗോപാൽ വർമ. എമ്പുരാൻ സിനിമയുടെ ലൊക്കേഷനിൽ നിന്ന് പകർത്തിയ ചിത്രമാണ് അദ്ദേഹം എക്സിൽ പങ്കിട്ടത്. കഴിഞ്ഞ ദിവസം സംവിധായകൻ പൃഥ്വിരാജിനൊപ്പമുള്ള ചിത്രങ്ങളും അദ്ദേഹം സോഷ്യൽ മീ‍ഡിയയിൽ പങ്കിട്ടിരുന്നു. ഒരു ബ്ലോക്സ്ബസ്റ്റർ 2 അണിയറയിൽ ഒരുങ്ങുന്നുണ്ടെന്നും രാം ​ഗോപാൽ വർമ ക്രൂ മെമ്പർമാർക്കൊപ്പമുള്ള ചിത്രം പങ്കുവച്ച് കുറിച്ചിരുന്നു. മുംബൈയിലെ എമ്പുരാന്റെ സെറ്റിലാണ് പ്രശസ്ത സംവിധായകൻ എത്തിയത്.

2002-ലാണ് അദ്ദേഹം സംവിധാനം ചെയ്ത കമ്പനി എന്ന ചിത്രം പുറത്തിറങ്ങുന്നത്. മോഹൻലാൽ പ്രധാന കഥാപാത്രത്തിലെത്തിയ ചിത്രത്തിൽ വിവേക് ഒബ്റോയി,അജയ് ദേവ്​ഗൺ, മനീഷ കൊയ്രാള,സീമ ബിശ്വാസ് തുടങ്ങിയവർ അഭിനയിച്ചിരുന്നു. ചിത്രം ബോക്സോഫീസിൽ ഹിറ്റായിരുന്നു. 2007 പുറത്തിറങ്ങിയ ആ​ഗ് എന്ന രാം ​ഗോപാൽ വർമ ചിത്രത്തിലും മോഹൻലാൽ അഭിനയിച്ചിരുന്നു. അമിതാഭ് ബച്ചൻ ഉൾപ്പടെയുള്ളവരാണ് മറ്റു കഥാപാത്രങ്ങളെ അവതരിപ്പിച്ചത്.

Memories of COMPANY..Met the one and only ⁦@Mohanlal⁩ after a long long time 💐💐💐 pic.twitter.com/aUEvwwWDRg

— Ram Gopal Varma (@RGVzoomin) November 24, 2024