ന്യൂഡല്ഹി ; ഉത്തരാഖണ്ഡിലെ ഋഷികേശില് റിവര് റാഫ്റ്റിംഗിനിടെ മലയാളി യുവാവിനെ കാണാതായി. ഡല്ഹിയില് താമസിക്കുന്ന തൃശൂര് സ്വദേശി ആകാശിനെയാണ് കാണാതായത്. ആകാശ് സഹപ്രവര്ത്തകര്ക്കൊപ്പം വിനോദയാത്രയ്ക്കായി പോയതായിരുന്നു.
എൻ ഡി ആര് എഫിന്റെയും പോലീസിന്റെയും സംയുക്ത നേതൃത്വത്തിലാണ് തിരച്ചില് നടന്നത്. വൈകിട്ടോടുകൂടി രക്ഷാ പ്രവര്ത്തനം അവസാനിപ്പിച്ചിരുന്നു. പ്രതികൂല കാലാവസ്ഥ മൂലമാണ് രക്ഷാപ്രവര്ത്തനം നിര്ത്തിവെച്ചതെന്നും നാളെ പുനരാരംഭിക്കുമെന്നും അധികൃതർ പറഞ്ഞു.
യുവാവിനായുള്ള തിരച്ചില് വേഗത്തിലാക്കാന് കൊടിക്കുന്നില് സുരേഷ് എം പി കേന്ദ്ര ആഭ്യന്തര മന്ത്രിക്കും ഉത്തരാഖണ്ഡ് മുഖ്യമന്ത്രിക്കും കത്ത് നല്കി.
