അജ്മാനിൽ ദേശീയ ദിനാഘോഷത്തിനിടെ അശ്രദ്ധമായി വാഹനമോടിച്ചതിനും മോശം പെരുമാറ്റത്തിനും ഒട്ടേറെ വാഹനങ്ങൾ പൊലീസ് പിടിച്ചെടുത്തു. ബീച്ച് റോഡിൽ ഈദ് അൽ ഇത്തിഹാദ് ആഘോഷത്തിനിടെയാണ് ഈ നിയമലംഘനങ്ങൾ നടന്നത്.അജ്മാനിൽ ദേശീയ ദിനാഘോഷത്തിനിടെ പൊതുജനങ്ങൾക്ക് അപകടമുണ്ടാക്കുന്ന തരത്തിൽ വാഹനമോടിക്കുക, ശബ്‌ദ ശല്യം ഉണ്ടാക്കുക, വാഹന അലങ്കാര നിയമങ്ങൾ ലംഘിക്കുക എന്നിവ ഉൾപ്പെടെയുള്ള നിയമലംഘനങ്ങൾ നടത്തിയ വാഹനങ്ങളാണ് പൊലീസ് പിടിച്ചെടുത്തത്.
ഡ്രൈവർമാരും യാത്രക്കാരും സ്പ്രേ ടൂളുകൾ ഉപയോഗിക്കുന്നതും വാഹനത്തിന്‍റെ സൺറൂഫിൽ നിന്നും ജനാലകളിൽ നിന്നും പുറത്ത് നിന്നതും ഇതിൽ ഉൾപ്പെടുന്നു. നിയമലംഘകനം നടത്തിയ വാഹനങ്ങൾ പിടിച്ചെടുക്കുകയും ഡ്രൈവർമാരെ കസ്റ്റഡിയിലെടുത്ത് അതത് പൊലീസ് സ്റ്റേഷനുകളിലേക്ക് കൈമാറുകയും ചെയ്തു.
ഡ്രൈവർമാരോട് രാജ്യത്തെ നിയമങ്ങളും ഗതാഗത നിയമങ്ങളും പാലിക്കണമെന്ന് അധികൃതർ ആവർത്തിച്ച് അഭ്യർഥിച്ചു. നിയമലംഘകർക്കെതിരെ ജാഗ്രത പാലിക്കുമെന്നും നടപടിയെടുക്കുമെന്നും പൊലീസ് മുന്നറിയിപ്പ് നൽകി. നേരത്തെ, ദേശീയ ദിനാഘോഷിക്കുന്നവർ പാലിക്കേണ്ട 14 നിയമങ്ങൾ യുഎഇ പ്രഖ്യാപിച്ചിരുന്നു
