തൃശൂർ: സർക്കാർ ചിൽഡ്രൻസ് ഹോമിൽ കൊലപാതകം. അന്തേവാസിയായ 18-കാരനാണ് കൊല്ലപ്പെട്ടത്. ഇരിങ്ങാലക്കുട സ്വദേശി അഭിഷേകാണ് മരിച്ചത്. ചിൽഡ്രൻസ് ഹോമിലെ അന്തേവാസിയായ 17-കാരനാണ് കൊല നടത്തിയതെന്നാണ് വിവരം.
ഇന്ന് രാവിലെയാണ് സംഭവം. ചുറ്റിക കൊണ്ട് തലയ്ക്കടിച്ച് കൊലപ്പെടുത്തുകയായിരുന്നു. ഇരുവരും തമ്മിൽ ഇന്നലെ രാത്രി വാക്കുതർക്കവും വെല്ലുവിളിയും ഉണ്ടായിരുന്നു. ഇതിൽ പ്രകോപിതനായാണ് 17-കാരൻ ഉറങ്ങി കിടന്ന അഭിഷേകിനെ തലയ്ക്കടിച്ച് പരിക്കേൽപ്പിച്ചത്. ഗുരുതരമായി പരിക്കേറ്റ അഭിഷേകിനെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
