മലപ്പുറം: ഭാരതപ്പുഴയിൽ കുളിക്കാനിറങ്ങയ നാലംഗ കുടുംബം ഒഴുക്കിൽപ്പെട്ടു. അച്ഛനും അമ്മയും രണ്ട് കുട്ടികളുമടങ്ങുന്ന നാലംഗ കുടുംബമാണ് ഒഴുക്കിൽപ്പെട്ടത്. ചെറുതുരുത്തി പൈങ്കുളം ശ്‌മശാനം കടവിന് സമീപം കുളിക്കാനിറങ്ങിയവരാണ് അപകടത്തിൽ പെട്ടത്.
ചെറുതുരുത്തി സ്വദേശികളായ കബീർ, ഭാര്യ ഷാഹിന, മകളായ സെറ (10), കബീറിന്റെ സഹോദരിയുടെ മകൻ ഫയാൻ (12) എന്നിവരാണ് ഒഴുക്കിൽപ്പെട്ടത്. ഷാഹിനയെ നാട്ടുകാർ ചേർന്ന് രക്ഷപ്പെടുത്തി ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.
ശേഷിക്കുന്ന മൂന്ന് പേർക്കായി തെരച്ചിൽ തുടരുകയാണ്. പൊലീസും നാട്ടുകാരും ഫയർഫോഴ്‌സും ചേർന്നാണ് പുഴയിൽ പരിശോധന നടത്തുന്നത്. നദിയിലെ കുത്തൊഴുക്കും ആഴവുമുള്ള പ്രദേശത്താണ് അപകടം സംഭവിച്ചിരിക്കുന്നത്.
