ഹരിവരാസനം രചിച്ച കോന്നകത്ത് ജാനകിയമ്മയുടെ സ്മരണാർത്ഥമുള്ള ഹരിവരാസനം ചാരിറ്റബിൾ ട്രസ്റ്റ് മുഖ്യരക്ഷാധികാരിയായി ബദരീനാഥ് റാവൽജി ഈശ്വരപ്രസാദ് നമ്പൂതിരി നിയുക്തനായി
തിരുവനന്തപുരം : ഹരിവരാസനം ചാരിറ്റബിൾ ട്രസ്റ്റ് മുഖ്യരക്ഷാധികാരിയായി ബദരീനാഥിലെ റാവൽജി ഈശ്വരപ്രസാദ് നമ്പൂതിരി നിയുക്തനായി.
1923-ൽഹരിവരാസനം രചിച്ച അയ്യപ്പ ഭക്തയായ കോന്നകത്ത് ജാനകി അമ്മയുടെ സ്മരണക്കായി ദേശീയ തലത്തിൽ സ്ത്രീ ശാക്തീകരണം മുൻനിർത്തി രൂപം കൊടുത്ത ചാരിറ്റബിൾ ട്രസ്റ്റാണ് ഹരിവരാസനം.പന്തളം കൊട്ടാരം, ശബരിമല തന്ത്രി കുടുംബം, കൂടാതെ പത്മവിഭൂഷൺ ജി. മാധവൻ നായർ, ശാന്താറാം ഐ. പി.എസ്, മങ്കൊമ്പ് ഗോപാലകൃഷ്ണൻ, എസ് .കാർത്തികേയൻ (മെരിലാൻ്റ് സ്റ്റുഡിയോ ), ആർ. കെ. ദാമോധരൻ, (ഗാനരചയിതാവ് ) ജലജ (സിനി ആർട്ടിസ്റ്റ്), രാജഗോപാലസ്വാമി, ദീപാ ശിവപ്രസാദ് തുടങ്ങിയ വ്യക്തിത്വങ്ങളാണ് ട്രസ്റ്റിന്റെ നേതൃത്വനിരയിൽ.
പ്രകൃതിക്ക്, സഹജീവികൾക്ക് മനുഷ്യർക്ക് എന്നീ മൂന്നു തത്ത്വങ്ങൾ ഉൾക്കൊണ്ടു കൊണ്ടാണ് ട്രസ്റ്റിന്റെ പ്രവർത്തനം രാജ്യത്തിനകത്തും പുറത്തുമായി വ്യാപിച്ചിരിക്കുന്നത്. ജാതി- മത രാഷ്‌ട്രീയ കൊടിയടയാളങ്ങൾ ഒന്നുമില്ലാത്ത ജനിതകഘടനയാണ് ട്രസ്റ്റിനുള്ളത്.
ദക്ഷിണേന്ത്യൻ സംസ്ഥാനമായ കേരളത്തിൽ നിന്ന് തിരഞ്ഞെടുക്കപ്പെട്ട ഒരു ബ്രാഹ്മണനാണ് ബദരീനാഥിലെ റാവൽജി എന്നറിയപ്പെടുന്നത്. അവിടുത്തെ രാജാവും പുരോഹിതശ്രേഷഠനും ആകയാൽ റാവൽജി എന്നറിയപ്പെടുന്നത്. കണ്ണൂർ പിലാത്തറ വടക്കേ ചന്ദ്രമന ഇല്ലത്തെ വിഷണുനമ്പൂതിരിയുടേയും ശ്രീമതി സുഭദ്ര അന്തർജ്ജനത്തിന്റെയും മകനാണ് ബ്രഹ്മശ്രീ ഈശ്വരപ്രസാദ് നമ്പൂതിരി.
ഹരിയുടെയും ഹരന്റെയും പുരോഹിതനായിരുന്ന ഇദ്ദേഹത്തിന്റെ നിറ സാന്നിദ്ധ്യം ഹരിവരാസനം ചാരിറ്റബിൾ ട്രസ്റ്റിലുണ്ടാകുന്നത് സ്വാമി ഹിതമാന്നെന്ന് ട്രസ്റ്റ് ചെയർമാനും കോന്നകത്ത് ജാനകി അമ്മയുടെ ചെറുമകനുമായ പി. മോഹൻ കുമാർ പറഞ്ഞു.
