എറണാകുളം: മകന്റെ കൈ തല്ലിയൊടിച്ച പിതാവ് അറസ്റ്റിൽ. പുസ്തകവും ബോക്സും കളഞ്ഞുപോയതിനെ തുടർന്നാണ് കളമശേരി സ്വദേശിയായ ശിവകുമാർ മകനെ മർദ്ദിച്ചത്. പതിനൊന്ന് വയസുകാരനെ അതിക്രൂരമായാണ് പ്രതി ഉപദ്രവിച്ചത്. ശിവകുമാറിനെ പൊലീസ് അറസ്റ്റ് ചെയ്തിട്ടുണ്ട്.
മദ്യലഹരിയിലാണ് പ്രതി കുട്ടിയെ മർദ്ദിച്ചതെന്ന് പൊലീസ് പറഞ്ഞു. വടി ഉപയോഗിച്ച് ശക്തമായി അടിക്കുകയായിരുന്നു. തുടർന്ന് ആശുപത്രിയിൽ പ്രവേശിപ്പിച്ചു. ഡോക്ടർമാരാണ് വിവരം പൊലീസിനെ അറിയിച്ചത്.
തുടർന്ന് പൊലീസ് എത്തി കുട്ടിയുടെ മൊഴിയെടുക്കുകയും കേസ് രജിസ്റ്റർ ചെയ്യുകയും ചെയ്തു. കുട്ടിയെ മാരകമായി ഉപദ്രവിച്ചതിനാണ് പ്രതിക്കെതിരെ കേസെടുത്തത്.
