ഡാ പുള്ളി എന്താ പറഞ്ഞത്? ധോണി ചോദിച്ചതിനെക്കുറിച്ച് വെളിപ്പെടുത്തി വി​ഘ്നേഷ് പുത്തൂർ

ചെന്നൈക്ക് എതിരെയുള്ള മത്സരത്തിൽ മുംബൈ ഇന്ത്യൻസിനായി മികച്ച പ്രകടനം നടത്തിയത് അരങ്ങേറ്റക്കാരനായ മലയാളി താരം വി​ഘ്നേഷ് പുത്തൂരായിരുന്നു. എൽ ക്ലാസിക്കോയിൽ മൂന്ന് വിക്കറ്റുകളാണ് താരം സ്വന്തമാക്കിയത്. .ചെന്നൈക്കെതിരെയുള്ള മത്സരത്തിൽ നാലോവർ പന്തെറിഞ്ഞ താരം 32 റൺസ് വഴങ്ങിയാണ് മൂന്ന് വിക്കറ്റ് വീഴ്‌ത്തിയത്.

സിഎസ്കെ നായകൻ ഋതുരാജ് ​ഗെ​യ്ക്വാദ്, ശിവം ദുബെ, ദീപക് ഹൂഡ എന്നിവരുടെ വിക്കറ്റുകളാണ് താരം പിഴുതത്. മത്സര ശേഷം വി​ഘ്നേഷിന്റെ തോളിൽ തട്ടി സാക്ഷാൽ എം.എസ് ധോണി ചില കാര്യങ്ങൾ ചോ​ദിക്കുന്നുണ്ടായിരുന്നു. വിഘ്നേഷ് ഇതിന് ആവേശത്തോടെ മറുപടി നൽകുന്നുമുണ്ടായിരുന്നു. ഇത് എന്തായിരുന്നു എന്നാണ് ഏവർക്കും അറിയേണ്ടിയിരുന്നത്.

വിഘ്നേഷിന്റെ ബാല്യകാല സുഹൃത്ത് ശ്രീരാ​ഗ് ഇത് എന്തായിരുന്നുവെന്ന് വെളിപ്പെടുത്തുകയാണ്. “ധോണി എന്നോട് വയസ് എത്രയായെന്നും. നിന്നെ എന്താണോ ഐപിഎല്ലിൽ എത്തിച്ചത് അത് തുടരാനുമാണ് പറഞ്ഞതെന്ന്” വിഘ്നേഷ് പറഞ്ഞതായി ശ്രീരാ​ഗ് വെളിപ്പെടുത്തി. പെരുന്തൽമണ്ണ പിടിഎം ​ഗവൺമെന്റ് കോളേജിൽ എം.എ ഇം​ഗ്ലീഷിന് പഠിക്കുകയാണ് വിഘ്നേഷ്.

VIDEO OF THE DAY. ❤️

– MS Dhoni listening to Vignesh Puthur and appreciating him. 🥺🫂#VigneshPuthur #MumbaiIndians #IPL2025 #vignesh #MSDhoni pic.twitter.com/DtF6brePeL

— Gulshan Kumar Singh 🇮🇳 (@Gulshan2507) March 24, 2025