ഒരു പന്തിലിൽ തന്റെ രണ്ടു കാമുകിമാരെയും വരണമാല്യം ചാർത്തി യുവാവ്. തെലങ്കാനയിലെ കോമരം ഭീം അസിഫബാദിലാണ് വിചിത്ര വിവാഹം നടന്നത്. ഗുംനൂർ സ്വദേശി സൂര്യദേവാണ് വരൻ. ലാൽദേവി, ഝാൽക്കരി ദേവി എന്നിവരെയാണ് സൂര്യദേവ് ജീവിത സഖിമാരാക്കിയത്. ഇരുവരുമായും പ്രണയത്തിലായിരുന്ന സൂര്യദേവിന് ആരെയും പറ്റിക്കാൻ താത്പ്പര്യമില്ലായിരുന്നു. ഇതോടെ മൂന്നുപേരും കൂടി ഒന്നിച്ചെടുത്ത തീരുമാനമായിരുന്നു വിവാഹം.
ഗ്രാമത്തിലെ മുതിർന്നവർ ആദ്യം ഈ തീരുമാനത്തെ എതിർത്തുവെങ്കിലും പിന്നീട് ഇത് അംഗീകരിക്കുകയും വിവാഹത്തോട് എല്ലാ രീതിയിലും സഹകരിക്കുകയുമായിരുന്നു. ഇന്ത്യയിൽ ഹിന്ദുക്കൾക്കിടയിലെ ബഹുഭാര്യത്വം അനുവദിനീയമല്ലെന്ന കാര്യവും ഇവർ ചൂണ്ടിക്കാട്ടിയിരുന്നു. പിന്നീട് അവരുടെ ഇഷ്ടത്തിനാപ്പം ബന്ധുക്കളും നാട്ടുകാരും നിൽക്കുകയായിരുന്നു.
വിവാഹക്ഷണക്കത്തിലും ഇരു വധുക്കളുടെയും പേര് ഉൾപ്പെടുത്തിയിരുന്നു. വലിയൊരു വിവാഹവും ആഘോഷവുമാണ് നടത്തിയത്. താലി ചാർത്തിയ ശേഷം പന്തലിനെ വലംവയ്ക്കുമ്പോൾ ഇരു വധുക്കളും വരന്റെ ഇടതു കൈയിൽ പിടിച്ചിരിക്കുന്നതും കാണാം. വിവാഹത്തിന്റെ വീഡിയോ സോഷ്യൽ മീഡിയയിൽ ഹിറ്റായി.
Jab Miya aur do biwi raazi tho kya karega kaazi? Suryadev from Gumnoor village Lingapur mandal, #KomuramBheemAsifabad district married Lal Devi & Jhalkari Devi in a tribal #weddingceremony on Thursday; trio’s decision shocked community but they eventually accepted #WeddingOf3 pic.twitter.com/qgbpEndFcb
— Uma Sudhir (@umasudhir) March 28, 2025
