പുതിയ ഇന്നിംഗ്സ് രാഷ്‌ട്രീയത്തിന്റെ പിച്ചിൽ! മുൻ ഇന്ത്യൻ താരം കേദാർ ജാദവ് ബിജെപിയിൽ

ഇന്ത്യൻ ക്രിക്കറ്റ് ടീമിന്റെ മുൻ താരം രാഷ്‌ട്രീയത്തിൽ പുതിയ അദ്ധ്യായത്തിന് തുടക്കമിട്ടു. 40-കാരൻ ഔദ്യോ​ഗികമായി ബിജെപി അം​ഗത്വം സ്വീകരിച്ചു. മുംബൈയിലെ നരിമാൻ പോയിൻ്റിലെ പാർട്ടി ആസ്ഥാനത്ത് എത്തിയാണ് താരം അം​ഗത്വം സ്വീകരിച്ചത്. ആഭ്യന്തര ക്രിക്കറ്റിൽ മഹാരാഷ്‌ട്രയ്ലക്കായും ഐപിഎല്ലിൽ ചെന്നൈ സൂപ്പർ കിം​ഗ്സിനും ഡൽഹിക്കും ആർസിബിക്കും ഹൈദരാബാദിനും കൊച്ചി ടസ്കേഴ്സിനും കളിച്ച താരമാണ് കേദാർ ജാദവ്. ബിജെപി സംസ്ഥാന അദ്ധ്യക്ഷൻ ചന്ദ്രശേഖർ ഭവൻകുലേയുടെയും മുതിർന്ന നേതാവ് അശോക് ചവാന്റെയും സാന്നിദ്ധ്യത്തിലാണ് അദ്ദേഹത്തെ പാർട്ടിയിലേക്ക് സ്വീകരിച്ചത്.

ഞാൻ ഛത്രപതി ശിവജിയെ വണങ്ങുന്നു. നരേന്ദ്ര മോദിജിയുടെയും മഹാരാഷ്‌ട്ര മുഖ്യമന്ത്രി ദേവേന്ദ്ര ഫഡ്നാവിസിന്റെയും കീഴിൽ ബി ജെ പി വികസന രാഷ്‌ട്രീയമാണ് ചെയ്യുന്നതെന്ന് ജാദവ് പറഞ്ഞു. ഇത് ഞങ്ങൾക്ക് സന്തോഷത്തിന്റെ ദിവസമാണെന്നായിരുന്നു അദ്ധ്യക്ഷന്റെ പ്രതികരണം. മഹാരാഷ്‌ട്രയിലെ പൂനെയിൽ ജനിച്ച ജാദവ്, മികച്ച മധ്യനിര ബാറ്റ്സ്മാൻ ആണ്. 2014 ൽ ശ്രീലങ്കക്കെതിരെ ഇന്ത്യയ്‌ക്കായി ഏകദിന (ODI) അരങ്ങേറ്റം കുറിച്ചു, 2014 മുതൽ 2020 വരെ ഇന്ത്യയ്‌ക്ക് വേണ്ടി കളിച്ച കേദാർ 39-ാം വയസിൽ 2024 ജൂണിലാണ് പൂർണമായും ക്രിക്കറ്റിൽ നിന്ന് വിരമിക്കുന്നത്. 73 ഏകദിനങ്ങളിൽ നിന്ന് 1,389 റൺസും 27 വിക്കറ്റുകളും നേടിയിട്ടുണ്ട്.

#WATCH | Former Indian Cricketer Kedar Jadhav joins BJP in the presence of Maharashtra minister and state BJP chief Chandrashekhar Bawankule in Mumbai. pic.twitter.com/4reAKk7F1Y

— ANI (@ANI) April 8, 2025