തിരുവനന്തപുരം: മണക്കാട് ഇസ്താംബുൾ ഹോട്ടലിൽ നിന്ന് ഷവർമ കഴിച്ച് പത്ത് പേർ ആശുപത്രിയിൽ. കഴിഞ്ഞ ദിവസം രാത്രിയാണ് ഇവർ ഷവർമ കഴിച്ചത്. ദേഹാസ്വാസ്ഥ്യം അനുഭവപ്പെട്ടതിനെ തുടർന്നാണ് നഗരത്തിലെ വിവിധ ആശുപത്രികളിൽ ചികിത്സ തേടിയത്.
ഇന്ന് രാവിലെ നഗരസഭാ ആരോഗ്യ വിഭാഗം ഹോട്ടലിൽ എത്തി പരിശോധന നടത്തി. പിന്നാലെ ഹോട്ടൽ അടപ്പിക്കുകയും ചെയ്തു. എന്നാൽ സംഭവം പുറത്തറിയാതിരിക്കാൻ നവീകരണം നടക്കുന്നതിനാൽ ഹോട്ടൽ അടച്ചു എന്നാണ് ഹോട്ടലുടമകൾ ബോർഡ് വച്ചത്. ഒടുവിൽ ജനപ്രതിനിധികളും മാദ്ധ്യമ പ്രവ‍ർത്തകരും സ്ഥലത്ത് എത്തിയതോടെ ഉടമകൾ തന്നെ ബോർഡ് നീക്കി. നഗരത്തിലെ വിവിധ ഇടങ്ങളിൽ ഇസ്താംബുൾ എന്ന പേരിൽ ഇവർക്ക് ഫുഡ് ട്രക്കുകളുണ്ടെന്നാണ് വിവരം. ഷവർമയാണ് ഇവിടത്തെ പ്രധാന വിഭവം.
