വയനാട്: വയനാട്ടിൽ റിസോർട്ടിലെ ടെന്റ് തകർന്നുവീണ് വിനോദസഞ്ചാരിയായ യുവതി മരിച്ചു. മേപ്പാടി 900 കണ്ടിയിലാണ് സംഭവം. നിലമ്പൂർ അകമ്പാടം സ്വദേശി നിഷ്‌മ (24) ആൺ മരിച്ചത്. 900 വെഞ്ചേഴ്‌സ് റിസോർട്ടിൽ നിർമ്മിച്ചിരുന്ന ടെന്റ് ആണ് തകർന്ന് വീണത്.
കഴിഞ്ഞ ദിവസം രാത്രി 12:30 ഓടെയാണ് അപകടം. ഒരു വലിയ ടെന്റും ഇതിനുകീഴിയിൽ ഉണ്ടായിരുന്ന മൂന്ന് ചെറിയ ടെന്റുകളുമാണ് തകർന്നത്. മരത്തടികൾകൊണ്ട് നിർമ്മിച്ച പുല്ലുമേഞ്ഞ ടെന്റുകളാണിവ. കഴിഞ്ഞ ദിവസം വയനാട്ടിൽ ശക്തമായ മഴ പെയ്തിരുന്നു. ഇതാവാം ടെന്റ് തകരാൻ കാരണമെന്നാണ് പൊലീസിന്റെ പ്രാഥമിക നിഗമനം.
യുവതിയെ കൂടാതെ മറ്റ് മൂന്ന് പേർക്ക് അപകടത്തിൽ പരിക്കേൽക്കുകയും ചെയ്തു. യുവതിയുടെ മൃതദേഹം ആശുപത്രിയിലേക്ക് മാറ്റി. പരിക്കേറ്റവർക്കും ചികിത്സ ലഭ്യമാക്കിയിട്ടുണ്ട്. റിസോർട്ടിന് ലൈസൻസ് ഉൾപ്പെടെ ഉണ്ടോയെന്ന് പരിശോധിച്ച് വരികയാണെന്ന് പൊലീസ് അറിയിച്ചു.
