ഗാന്ധിനഗർ: ആയിരക്കണക്കിന് ജനങ്ങളെ സാക്ഷിനിർത്തി പ്രധാനമന്ത്രി നരേന്ദ്രമോദിയുടെ ഗംഭീര റോഡ് ഷോ. ദ്വിദിന സന്ദർശനത്തിനായി കഴിഞ്ഞദിവസമാണ് പ്രധാനമന്ത്രി ഗുജറാത്തിലെത്തിയത്. സ്ത്രീകളും കുട്ടികളും ഉൾപ്പെടെ നിരവധി പേർ പ്രധാനമന്ത്രിയെ കാണാനായി നഗരവീഥികളിൽ തടിച്ചുകൂടി.
പാക്- ഇന്ത്യ സംഘർഷങ്ങൾക്ക് ശേഷം ആദ്യമായാണ് പ്രധാനമന്ത്രി റോഡ് ഷോയിൽ പങ്കെടുക്കുന്നത്. ദേശീയപതാക കൈകളിൽ പിടിച്ച് മോദി കീ ജയ് വിളിച്ച് ജനങ്ങൾ പ്രധാനമന്ത്രിയെ അഭിവാദ്യം ചെയ്തു. ഗുജറാത്തിന്റെ നാടൻ കലാരൂപമായ ഗർബനൃത്തം അവതരിപ്പിച്ചാണ് ജനങ്ങൾ മോദിയെ സ്വീകരിച്ചത്.
റോഡ് ഷോയിൽ പങ്കെടുത്തശേഷം ഗുജറാത്തിൽ വിവിധ വികസന പദ്ധതികൾ പ്രധാനമന്ത്രി ഉദ്ഘാടനം ചെയ്യും. ഗുജറാത്തിലെ അതിർത്തി പ്രദേശമായ കച്ചിലും മോദി സന്ദർശിച്ചു. അവിടെ 2,326 കോടിയുടെ വികസന പദ്ധതികൾ രാജ്യത്തിന് സമർപ്പിക്കുകയും 51,400 കോടിയുടെ 15 പദ്ധതികൾക്ക് തറക്കല്ലിടുകയും ചെയ്തു.
