ഗുണഭോക്താക്കൾക്ക് റേഷൻ കർഡ് BPL ആക്കാൻ അവസരം.വാർഷിക വരുമാനം 3 ലക്ഷം വരെ ഉള്ളവർക്ക് അപേക്ഷിക്കാം. അപേക്ഷ 2025 ജൂൺ 2 മുതൽ 2025 ജൂൺ 15 വരെ ഓൺലൈൻ ആയി നൽകാം.
ആവശ്യമായ രേഖകൾ
താഴെ പറയുന്ന മാനദണ്ഡങ്ങൾ ഉള്ളവർക്ക് അപേക്ഷിക്കാം
1. കാർഡിലെ അംഗങ്ങൾ ആരും സർക്കാർ / പൊതുമേഖല സ്ഥാപനങ്ങളിലെ ജീവനക്കാരൻ ആകാൻ പാടില്ല.
2. കാർഡിലെ ഒരംഗവും ഇൻകം ടാക്സ് നൽകുന്നവർ ആകരുത്.
3. കാർഡിലെ അംഗങ്ങൾ ആരും സർവീസ് പെൻഷണർ ആകാൻ പാടില്ല.
4. വീടിന്റെ ആകെ വിസ്തീർണ്ണം 1000 ചതുരശ്ര അടിയിൽ കൂടാൻ പാടുള്ളതല്ല.
5. കാർഡ് ഉടമയ്ക്ക് നാലോ അതിലധികമോ ചക്രങ്ങൾ ഉള്ള വാഹനങ്ങൾ ഉണ്ടാകാൻ പാടുള്ളതല്ല. (സ്വയം ഓടിക്കുന്ന ഒരു ടാക്സി ഒഴിച്ച് )
6. ഉടമ പ്രൊഫഷണൽസ് (ഡോക്ടർ, എഞ്ചിനീയർ, അഡ്വക്കറ്റ്, ഐ.റ്റി, നഴ്സ്, CA ..etc) ആകാൻ പാടില്ല
7. കാർഡിലെ എല്ലാ അംഗങ്ങൾക്കും കൂടി ആകെ ഒരേക്കർ സ്ഥലം മാത്രമേ കൈവശമായി ഉണ്ടാകാൻ പാടുള്ളു. (ST വിഭാഗം ഒഴികെ)
8. കാർഡിലെ പ്രതിമാസ വരുമാനം (NRI യുടെത് ഉൾപ്പെടെ) 25,000/- രൂപയിൽ കൂടാൻ പാടില്ല.*വാർഷിക വരുമാനം 3 ലക്ഷം*
വിധവകൾ, ഗുരുതര രോഗങ്ങൾ ഉള്ളവർ, ഭിന്നശേഷിക്കാർ, സ്വന്തമായി വീടോ വസ്തുവോ ഇല്ലാത്തവർ എന്നീ മാനദണ്ഡങ്ങൾ ഉള്ള കാർഡ് ഉടമകൾ ബന്ധപ്പെട്ട രേഖകൾ ഹാജരാക്കിയാൻ പ്രത്യേക മുൻഗണന ലഭിക്കുന്നതാണ്.
ആവശ്യമായ രേഖകൾ
ആശ്രയ വിഭാഗം: ഗ്രാമപഞ്ചായത്ത് CDS ചെയർപേഴ്സൺ നൽകുന്ന സാക്ഷ്യപത്രം
ഗുരുതര മാരക രോഗങ്ങൾ ഡയാലിസിസ് ഉൾപ്പെടെ : ചികിത്സാ രേഖകളുടെ പകർപ്പുകൾ.
പട്ടിക ജാതി /വർഗ്ഗം :*തഹസിൽദാർ നൽകുന്ന ജാതി സർട്ടിഫിക്കറ്റ്.*
വിധവ ഗൃഹനാഥയാണെങ്കിൽ : വില്ലേജ് ഓഫീസർ നൽകുന്ന നോൺ റീമാര്യേജ് സർട്ടിഫിക്കറ്റ്
വീടും സ്ഥലവും സ്വന്തമായി ഇല്ലാത്ത കുടുംബം :
വില്ലേജ് ഓഫീസർ നൽകുന്ന ഭൂരഹിത, ഭവന രഹിത സർട്ടിഫിക്കറ്റ്.
ബി.പി.എൽ. പട്ടികയിൽ ഉൾപ്പെടാൻ അർഹത ഉള്ളവർ : ഗ്രാമ ,ബ്ലോക്ക് പഞ്ചായത്ത് മുനിസിപ്പൽ സെക്രട്ടറിമാർ നൽകുന്ന സാക്ഷ്യപത്രം.
ഏതെങ്കിലും ഭവന പദ്ധതി പ്രകാരം വീട്ലഭിച്ചിട്ടുണ്ടെങ്കിൽ :*വീട് നൽകിയ വകുപ്പിൽ നിന്നുള്ള സാക്ഷ്യപത്രം*.
എല്ലാ അംഗങ്ങളുടെയും ആധാർ റേഷൻകാർഡിൽ ലിങ്ക് ചെയ്തവരുടെ അപേക്ഷകളേ സ്വീകരിക്കുകയുള്ളൂ.
