തെന്നിന്ത്യൻ ക്ലാസിക്കിന് രണ്ടാം ഭാ​ഗം ഒരുങ്ങുന്നു; വെളിപ്പെടുത്തി നായകൻ വിഷ്ണു വിശാൽ

തെന്നിന്ത്യയിൽ തരം​ഗം സൃഷ്ടിച്ച ചിത്രമാണ് വിഷ്ണുവിശാൽ നായകനായ സൈക്കോ ത്രില്ലറായ രാക്ഷസൻ. 2018-ൽ പുറത്തിറങ്ങിയ ചിത്രം ത്രില്ലറുകളുടെ തലതൊട്ടപ്പനെന്നാണ് വിശേഷിപ്പിക്കപ്പെടുന്നത്. ആരാധകരും നിരൂപകരും ഒരു പോലെ പ്രശംസിച്ച ചിത്രം ബോക്സോഫീസിലും ബ്ലോക്ബസ്റ്ററായിരുന്നു. ഇപ്പോൾ ചിത്രത്തിന് രണ്ടാം ഭാ​ഗം ഉണ്ടാകുമെന്ന് വെളിപ്പെടുത്തിയിരിക്കുകയാണ് നായകൻ വിഷ്ണു വിശാൽ.

രാം കുമാർ സംവിധാനം ചെയ്ത ചിത്രത്തിൽ സം​ഗീതമൊരുക്കിയത് ജിബ്രാനായിരുന്നു. 30 കോടിയോളം രൂപ സിനിമ ബോക്സോഫീസിൽ നിന്ന് നേടിയിരുന്നു. അമല പോളാണ് നായികയായത്. അഭിരാമി, കാളി വെങ്കട്ട്, ശരവണൻ, യാസർ,മുനീഷ് കാന്ത്, വിനോദിനി വൈദ്യനാഥൻ എന്നിവരാണ് പ്രധാനകഥാപാത്രങ്ങളായത്.

അതേസമയം മറ്റൊരു ഹിറ്റ് ചിത്രമായ ​ഗാട്ട ​ഗുസ്തിക്കും രണ്ടാം ഭാ​ഗം ഒരുങ്ങുന്നതായും വിഷ്ണു വിശാൽ പറഞ്ഞു. ഐശ്വര്യ ലക്ഷ്മി നായികയായ ചിത്രം ബോക്സോഫീസിൽ ഹിറ്റായിരുന്നു. രാക്ഷസൻ അടുത്തവർഷമാകും ഷൂട്ട് ആരംഭിക്കുക.​ഗാട്ട ​ഗുസ്തി ഈ വർഷവും.

My next movie #Gattakusthi2 and Next year #Ratchasan2 nadakuthu 🔥pic.twitter.com/IuGt91dp6e

— SillakiMovies (@sillakimovies) July 7, 2025