ന്യൂഡൽഹി: ഹരിയാന, ഗോവ എന്നിവിടങ്ങളിലേക്ക് പുതിയ ഗവർണർമാരെയും കേന്ദ്രഭരണ പ്രദേശമായ ലഡാക്കിലേക്ക് പുതിയ ലെഫ്റ്റനന്റ് ഗവർണറെയും നിയമിച്ച് രാഷ്‌ട്രപതി ദ്രൗപദി മുർമു.
രാഷ്‌ട്രപതി ഭവനിൽ നിന്നുള്ള പ്രസ്താവന പ്രകാരം, പ്രൊഫസർ ആഷിം കുമാർ ഘോഷിനെ ഹരിയാന ഗവർണറായി നിയമിച്ചു, പുസപതി അശോക് ഗജപതി രാജു ഗോവ ഗവർണറായി ചുമതലയേൽക്കും.
ലഡാക്ക് ലെഫ്റ്റനന്റ് ഗവർണർ സ്ഥാനത്തു നിന്നുള്ള ബ്രിഗേഡിയർ ബി ഡി മിശ്രയുടെ (റിട്ട.) രാജി രാഷ്‌ട്രപതി അംഗീകരിച്ചു. ജമ്മു കശ്മീർ മുൻ ഉപമുഖ്യമന്ത്രി കവിന്ദർ ഗുപ്തയെ ലഡാക്കിന്റെ പുതിയ ലെഫ്റ്റനന്റ് ഗവർണറായി നിയമിച്ചതായി പ്രസ്താവനയിൽ പറയുന്നു.
നിയമിതർ അതത് ഓഫീസുകളുടെ ചുമതല ഏറ്റെടുക്കുന്ന തീയതി മുതൽ എല്ലാ നിയമനങ്ങളും പ്രാബല്യത്തിൽ വരും.
