കോട്ടയം : നിരവധി വാഹനങ്ങളെ ഇടിച്ചു തെറിപ്പിച്ച് കെഎസ്‌യു നേതാവിന്റെ അപകട യാത്ര. കോട്ടയം മെഡിക്കൽ കോളജ് റോഡിലായിരുന്നു കാറുമായി വിദ്യാര്‍ഥിയുടെ മരണപ്പാച്ചില്‍. കോട്ടയം സിഎംഎസ് കോളജ് മുതൽ പനമ്പാലം വരെയായിരുന്നു വിദ്യാര്‍ഥിയുടെ അപകടയാത്ര. നിരവധി വാഹനങ്ങളിൽ ഇടിച്ച് നിർത്താതെ പോയ വാഹനത്തെ നാട്ടുകാർ പിന്തുടരുകയായിരുന്നു. ഒടുവില്‍ പനമ്പാലത്ത് വച്ച് റോഡരികിൽ മരത്തിൽ ഇടിച്ചാണ് കാര്‍ നിന്നത്.
അപകടത്തിൽ കാർ പൂർണമായും തകർന്നു. പിന്നാലെ കാര്‍ ഓടിച്ച കോളജ് വിദ്യാര്‍ഥിയെ പൊലീസ് കസ്റ്റഡിയിലെടുത്തു. വിദ്യാർഥി ലഹരി ഉപയോഗിച്ചതായി സംശയമുണ്ട്. സിഎംഎസ് കോളജ് വിദ്യാർഥി ജൂബിൻ ജേക്കബിനെയാണ് പൊലീസ് കസ്റ്റഡിയിലെടുത്തത്.
രണ്ടു കിലോമീറ്ററിനുള്ളിൽ എട്ടു വാഹനങ്ങളിൽ കാറിടിച്ചു.
CMS കോളജ് വിദ്യാർഥിയും രാജീവ് ഗാന്ധി ഫൗണ്ടേഷൻ ജില്ലാ പ്രസിഡണ്ടുമായ ജൂബിൻ ജേക്കബിനെ പൊലീസ് കസ്റ്റഡിയിലെടുത്തു.
