യൂ​ട്യൂ​ബ​ർ ജാ​സ്മി​ൻ ജാ​ഫ​റിന്റെ ക്ഷേത്രക്കുളത്തിൽ കാൽ കഴുകിയുള്ള റീൽസ്; ഗുരുവായൂർ ക്ഷേത്രത്തിൽ പു​ണ്യാ​ഹം; ദർശനത്തിന് നിയന്ത്രണം

തൃ​ശൂ​ർ: ഗു​രു​വാ​യൂ​ർ ക്ഷേ​ത്ര​ക്കു​ള​ത്തി​ൽ യൂ​ട്യൂ​ബ​ർ കാ​ൽ ക​ഴു​കി​യ സം​ഭ​വ​ത്തിൽ പു​ണ്യാ​ഹം ന​ട​ത്തും.  ക്ഷേ​ത്ര​ത്തി​ൽ ആ​റു ദി​വ​സ​ത്തെ പൂ​ജ​ക​ളും ശീ​വേ​ലി​യും ആ​വ​ർ​ത്തി​ക്കു​മെ​ന്നും ദേ​വ​സ്വം ബോ​ർ​ഡ്  അ​റി​യി​ച്ചു. ചൊ​വ്വാ​ഴ്ച രാ​വി​ലെ മു​ത​ൽ 18 പൂ​ജ​ക​ളും 18 ശീ​വേ​ലി​യും വീ​ണ്ടും ന​ട​ത്തും. ചൊ​വ്വാ​ഴ്ച ഉ​ച്ച​വ​രെ ദ​ർ​ശ​ന​ത്തി​ന് നി​യ​ന്ത്ര​ണ​വും ഉ​ണ്ടാ​കും.

യൂ​ട്യൂ​ബ​ർ ജാ​സ്മി​ൻ ജാ​ഫ​റാണ് റീൽസ് ചിത്രീകരണത്തിനായി തീർത്ഥക്കുളത്തിൽ കാൽകഴുകിയത്. കഴിഞ്ഞ ആഴ്ചയാണ് ഹൈക്കോടതി ഉത്തരവ് ലംഘിച്ച്  ഗു​രു​വാ​യൂ​ർ ക്ഷേ​ത്ര​ക്കു​ള​ത്തി​ൽ ഇ​റ​ങ്ങി റീ​ൽ​സ് ചിത്രീകരിച്ച് ഇ​ൻ​സ്റ്റ​ഗ്രാ​മി​ൽ പ​ങ്കു​വ​ച്ചത്. സംഭവം വിവാദമായതോടെ വീഡിയോ പിൻവലിച്ചു.

ക്ഷേ​ത്ര​ത്തി​ന്റെ ഭാ​ഗ​മാ​യ തീർത്ഥക്കു​ള​ത്തി​ൽ വീ​ഡി​യോ ചി​ത്രീ​ക​ര​ണ​ത്തി​ന് വി​ല​ക്കു​ണ്ട്. അ​ഹി​ന്ദു​ക്ക​ൾ​ക്ക് കു​ള​ത്തി​ലി​റ​ങ്ങാ​ൻ അ​നു​മ​തി​യു​മി​ല്ല. നടപ്പുരയിലും ഇവർ ഇവർ റീൽസ് ചിത്രീകരിച്ചിരുന്നു  അ​നു​മ​തി​യി​ല്ലാ​തെ റീ​ൽ​സ് ചി​ത്രീ​ക​രി​ച്ച​തി​നെ​തി​രെ ദേ​വ​സ്വം അ​ഡ്മി​നി​സ്‌​ട്രേ​റ്റ​ർ ടെമ്പിൽ പൊലീസിൽ പ​രാ​തി ന​ൽ​കി​യി​രു​ന്നു.