കാസർകോട്: 13 കാരിയായ മകളെ നിരന്തരം ലൈംഗികമായി പീഡിപ്പിച്ച പിതാവ് അറസ്റ്റിൽ. കാസർകോട് പൊലീസ് സ്റ്റേഷൻ പരിധിയിലാണ് സംഭവം നടന്നത്.
താമസസ്ഥലത്ത് വച്ചാണ് ഇയാൾ നിരന്തരം പെൺകുട്ടിയെ പീഡിപ്പിച്ചതെന്ന് പരാതിയിൽ പറയുന്നു. പെൺകുട്ടി പഠിക്കുന്ന സ്കൂളിലെ കൗൺസിലിംഗിനിടെയാണ് പീഡന വിവരം വെളിപ്പെടുത്തിയത്. സ്കൂൾ അധികൃതരാണ് പൊലീസിനെ വിവരം അറിയിച്ചത്. ഉടൻ തന്നെ പ്രതിയെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു.
എൻഡിപിഎസ് കേസിലടക്കം പ്രതിയാണ് ഇയാളെന്ന് പൊലീസ് പറഞ്ഞു. കുറച്ചുകാലം മുൻപാണ് ഇയാൾ കാസർകോട് താമസം തുടങ്ങിയത്. പ്രതിക്ക് നാല് മക്കളുണ്ടെന്നും പൊലീസ് പറഞ്ഞു.
