തിരുവനന്തപുരം: കനത്ത മഴയെ തുടർന്ന് മതിലിടിഞ്ഞുവീണ് വൃദ്ധയ്ക്ക് ദാരുണാന്ത്യം. തിരുവനന്തപുരം നെയ്യാറ്റിൻകരയിലാണ് സംഭവം. ഉച്ചക്കട സ്വദേശിനിയായ സരോജിനിയാണ് മരിച്ചത്. തിരുവനന്തപുരത്ത് കഴിഞ്ഞ ദിവസം മുതൽ ശക്തമായ മഴയാണ് ലഭിക്കുന്നത്. സരോജിനിയുടെ വീടിനോട് ചേർന്ന് നിന്നിരുന്ന മതിലാണ് ഇടിഞ്ഞുവീണത്.
വിവരമറിഞ്ഞ് പ്രദേശവാസികൾ എത്തിയപ്പോഴേക്കും മരിച്ചിരുന്നു. മൃതദേഹം ആശുപത്രിയിലേക്ക് മാറ്റിയിട്ടുണ്ട്. മതിൽ മഴയത്ത് കുതിർന്നിരിക്കുകയായിരുന്നു. ജില്ലയിൽ രാവിലെ മുതൽ ഇടവിട്ട് ശക്തമായ പെയ്തുവരികയാണ്.
