കഴിഞ്ഞ ദിവസം കണ്ണൂർ പിണറായിയിൽ നടന്ന ബോംബ് സ്ഫോടനത്തെ വെറും പടക്കം പൊട്ടിയത് എന്ന് പറഞ്ഞാണ് എഫ്ഐആർ ഇട്ടിരിക്കുന്നത്. ബോംബ് സ്ഫോടനത്തിൽ കൈപ്പത്തി തകർന്ന സിപിഎം പ്രവർത്തകനായ യുവാവ് അത്യാഹിത വിഭാഗത്തിലാണുള്ളത്.
ബോംബ് സ്ഫോടനത്തെ വെറും പടക്കം പൊട്ടിയതാക്കി മാറ്റിയതിൽ സിപിഎം മാജിക്കിൽ പ്രതികരണവുമായി എത്തിയിരിക്കുകയാണ് ബിജെപി സംസ്ഥാന സെക്രട്ടറി പി. ശ്യാംരാജ്
സിപിഎമ്മിനെ ശുദ്ധതയുടെ നിറകുടങ്ങൾ എന്നാണ് ശ്യാംരാജ് പരിഹസിച്ചിരിക്കുന്നത്.
സിപിഎം ടിപിയെ യെ വെട്ടിയത് തെർമോകോൾ കട്ടർ വച്ചായിരുന്നു. ശുദ്ധതയുടെ നിറകുടങ്ങളാണ്. അവർ മൊട്ടുസൂചി വെച്ച് കുത്തിക്കൊല്ലും. തെർമോക്കോൾ കട്ടർ വച്ച് വെട്ടിക്കൊല്ലും. പടക്കം എറിഞ്ഞ് പൊട്ടിച്ചു കൊല്ലും. സ്വാതന്ത്ര്യം, ജനാധിപത്യം, സോഷ്യലിസം, ആവിഷ്കാര സ്വാതന്ത്ര്യം, പ്രവർത്തന സ്വാതന്ത്ര്യം, ഇതൊക്കെയാണ് ഇവരുടെ മെയിൻ, ശ്യാംരാജ് സോഷ്യൽ മീഡിയ പങ്കുവെച്ച കുറിപ്പിൽ പറഞ്ഞു.
