ന്യൂഡൽഹി: ബംഗ്ലാദേശ് ഹിന്ദു വംശഹത്യയിൽ ഭാരതത്തിൽ പ്രതിഷേധം കനക്കുന്നു. ഹിന്ദു യുവാവ് ദീപു ചന്ദ്രദാസിനെ കൊലപ്പെടുത്തിയതിനെതിരെ ഡൽഹിയിൽ വിശ്വഹിന്ദു പരിഷത്തിന്റെ നേതൃത്വത്തിൽ പ്രതിഷേധം. ബംഗ്ലാദേശ് ഹൈക്കമ്മിഷനിലേക്ക് വിഎച്ച്പി പ്രവർത്തകർ പ്രതിഷേധ മാർച്ച് നടത്തി. കൊൽക്കത്തയിലും ശക്തമായ പ്രതിഷേധമുണ്ടായി.
അതേസമയം, ഹിന്ദു യുവാവിനെ മർദ്ദിച്ച് കൊലപ്പെടുത്തി കത്തിച്ച സംഭവത്തിൽ ഐക്യരാഷ്ട്രസഭ ആശങ്ക രേഖപ്പെടുത്തി. രാജ്യത്തെ സ്ഥിതിഗതികളിൽ കടുത്ത ആശങ്കയുണ്ടെന്ന് ഐക്യരാഷ്ട്രസഭ സെക്രട്ടറി ജനറൽ അന്റോണിയോ ഗുട്ടെറസ് പറഞ്ഞു.മറ്റേതൊരു രാജ്യത്തെയും പോലെ ബംഗ്ലാദേശിലും ന്യൂനപക്ഷങ്ങൾ സുരക്ഷിതരായിരിക്കണം. ഓരോ വ്യക്തിയുടെയും സുരക്ഷ ഉറപ്പാക്കാൻ ബംഗ്ലാദേശ് സർക്കാർ ആവശ്യമായ എല്ലാ നടപടികൾ സ്വീകരിക്കുമെന്ന് പ്രതീക്ഷിക്കുന്നുണ്ടെന്നും അദ്ദേഹം കൂട്ടിച്ചേർത്തു
